Pisalema 68:10 - BIBELE Mahungu Lamanene

¹⁰ Vanhu va wena va kumile vutshamo eka rona, hikuva u Xikwembu lexi nga ni vunene, lexi tiyisaka swisiwana.

Xitsonga (Bibele)

¹⁰ Ntlhambi wa wena wu akile etikweni leri; Hi tintswalo ta wena, oho Xikwembu! U ri lunghisele swisiwana.

Pisalema 68:10 Referans Kwoze

Pisalema 74:19

U nga tshuki u pfumela leswaku vanhu lava u va rhandzaka va nyiketiwa eka swiharhi leswi; swisiwana swa wena u nga swi rivali ni siku ni rin'we.

Matewu 11:5

Lavo-fe-mahlo va tlhela va vona, swilema swa famba, vanhlokonho va basisiwa, lavo-fe-tindleve va twa, vafi va pfuka, swisiwana swi byeriwa Mahungu Lamanene.

1 Petro 5:3

Mi nga tshuki mi fuma lava mi nga nyikiwa vona ku va risa, kambe mi boxela ntlhambi entila lowunene.

Luka 1:53

Lava nga ni ndlala, ú va phamerile leswo nandziha, va dya va xurha, kambe lavo fuma ú va tlherisile va nga ri na nchumu.

Pisalema 78:20

Ha swi tiva leswaku xi bile ribye, mati ma huma ma hobomulana kukota nambu. Kambe xana xi nga ha humesa vuswa ni nyama, xi phamela vanhu va xona xana?”

Pisalema 65:9

U tikarhatela misava hi ku yi nisela mpfula, u yi andzisela minkateko. We Xikwembu, mati ma khuluka emilambyeni ya wena, u mirisa mavele emasin'wini ya vanhu; misava ya kona u yi lulamisa swinene.

1 SAMIELE 2:8

HOSI yi humesa xisiwana entshurini, yi pfuxa mupfumari etaleni, yi va tshamisisa ni tinganakana, va nyikiwa xiyimo xa vuchaviseki, hikuva masungulo ya misava i ya HOSI, yi akile ntumbuluko ehenhla ka wona.

Duteronoma 26:5

“Kutani mi ta yima emahlweni ka HOSI Xikwembu xa n'wina, mi vula marito lawa mi ku: ‘Tatana a a ri Muaramu loyi a a tsendzeleka ni matiko. Ú yile etikweni ra Egipta a ri ni vanhu vatsongo, a ya luvela kona. Kambe loko a ri kwale, ú hundzukile tiko lerikulu ra matimba.

Tinhlayo 16:3

Kutani vanhu lava va hlengeletana ndhawu yin'we va pfuka Muxe na Aroni, va ku ka vona: “Hi karhele hi n'wina! Hina Vaisraele hinkwerhu hi hlawulekile; naswona HOSI Xikwembu xi le xikarhi ka hina; kutani hikwalaho ka yini n'wina mi rhandza ku tiveka ehenhla ka vanhu hinkwavo va HOSI Xikwembu, xana?”

1 TIHOSI 8:36

va yingise u ri ematilweni, u va rivalela ku dyoha ka vona, wona malandza ya wena, va nga Vaisraele vanhu va wena. Naswona u va dyondzisa ndlela leyinene leyi va nga ta hanya ha yona, kutani u nisa mpfula etikweni leri u ri nyikeke vanhu va wena leswaku ri va ndzhaka ya vona.

Pisalema 65:10

U cheleta laha ku rimiweke, u fayetela mabuwa ya kona hi mpfula, u hlekahlekisa misava hi n'wema, u mirisa swimilana eka yona.

Pisalema 65:11

Lembe hinkwaro u ri sasekisa hi minkateko ya wena, kun'wana ni kun'wana laha u hundzaka kona, vanhu va dya va xurha.

Esaya 40:29

Lava tsaneke, xi va nyika matimba, xi engetelela ntamu eka lava nga tiyangiki.