Pisalema 67:4 - BIBELE Mahungu Lamanene

⁴ Matiko a ma tsake ma ba nkulungwana, hikuva u ma fuma hi ku lulama, hi wena u fambisaka vanhu laha misaveni.

Xitsonga (Bibele)

⁴ Matiko ma ta tsaka, ma tsakisisa, Hikuva u ta avanyisa matiko hi ku lulama, U ta fambisa matiko emisaveni.

Pisalema 67:4 Referans Kwoze

Pisalema 98:9

loko HOSI Xikwembu xi ta ku ta fuma misava. Xi ta yi avanyisa hi ku lulama, vamatiko xi ta va fambisa hi nawu.

Pisalema 9:8

kutani yi fuma misava hi ku lulama, yi avanyisa vanhu hi ntiyiso.

Pisalema 82:6

“Ndzi vurile leswaku n'wina mi swikwembu, ni leswaku hinkwenu mi vana va Loyi a nge henhla-henhla.

Varhoma 2:5

Hi mbilu ya wena leyo nonon'hwa, leyi nga laviki ku hundzuka, u tihlengeletela vukari lebyi byi nga ta ku wela hi siku lero chavisa, leri ku avanyisa loku lulameke ka Xikwembu ku nga ta humelela ha rona.

Esaya 55:4

Ndzi vekile Davhida ku va mbhoni ya mina exikarhi ka vanhu van'wana, a va mufumi ni mulawuri wa vona.

Pisalema 96:10

Byelani vanhu va matiko hinkwawo mi ku: “HOSI Xikwembu xa fuma, hikokwalaho misava yi tiyile, a yi tsekatseki; xi ta avanyisa vanhu hi ku lulama.”

Pisalema 2:8

Kombela eka mina, kutani ndzi ta ku nyika matiko ma va ndzhaka ya wena, misava hinkwayo yi ta va ya wena ku ya fika evugimamusi.

Duteronoma 32:43

“Dzunisani vanhu va Xikwembu, n'wina vamatiko, hikuva xi rihisela ngati ya malandza ya xona, xi rihisela eka valala va xona, kambe xi rivalela vanhu va tiko ra xona swidyoho swa vona.”

Genesa 18:25

Mhaka ya ku herisiwa ka vanhu vo lulama swin'we ni lavo homboloka, u nga tshuki u yi endla. U nga tshuki u fanisa lavo lulama ni lavo homboloka. Xana Muavanyisi wa misava hinkwayo a nga tsandzeka ku endla leswo lulama xana?”

Vagalatiya 4:27

Hikuva ku tsariwile va ku: “Tsaka wena mhika, la nga kumiki swihlangi, bana nkulungwana lowukulu, wena la nga twiki ku lumiwa ka ku veleka; hikuva wansati loyi a nga tshikiwa, ú ta va ni vana vo tala ku tlula wansati loyi a nga ni nuna.”

Timhaka 17:31

Hikuva xi vekile siku leri xi nga ta avanyisa misava eku lulameni, hi wanuna loyi xi n'wi hlawuleke; kutani xi kombisile vanhu hinkwavo ku tiya ka mhaka leyi hi ku pfuxa munhu loyi exikarhi ka vafi.”

Esaya 54:1

HOSI Xikwembu xi ri: “We Yerusalema, a wu fana ni wansati loyi a nga velekiki, loyi a nga riki na n'wana na un'we; a wu fana ni wansati loyi a tshikiweke hi nuna, kambe sweswi yimbelela, u ba ni nkulungwana, hikuva u ta va ni vana vo tala, ku tlula wansati loyi a nga si tshamaka a hambana ni nuna wa yena.

Esaya 60:6

Mintlhambi leyikulu ya tikamela yi ta fika yi ku mbhombhela yi huma eMidiyani ni le Efa; hinkwavo va le Xeba va ta fika va rhwele nsuku ni mirhi ya risuna, va twarisa HOSI Xikwembu, va xi dzunisa.