Pisalema 67:1 - BIBELE Mahungu Lamanene

¹ Xikwembu a xi hi twele vusiwana xi hi katekisa, a xi hi langute hi tintswalo,

Xitsonga (Bibele)

¹ Xikwembu a xi hi tsetselele, a xi hi katekise, A xi vonakarise mombo wa xona ehenhla ka hina,

Pisalema 67:1 Referans Kwoze

Pisalema 4:6

Vanhu vo tala va ri: “Mawaku loko hi nga kuma minkateko! We HOSI, hi langute, u hi komba tintswalo!”

2 Vakorinto 4:6

Hikuva xona Xikwembu lexi nga te: “Ku vonakala a ku vangame emunyameni!” hi xona lexi nga vangamisa ku vonakala etimbilwini ta hina, hi ta tiva ku kwetsima ka xona loku vangamaka enghoheni ya Kriste.

Pisalema 4:1

We Xikwembu, mulweri wa tifanelo ta mina, ndzi hlamule loko ndzi huwelela. U ndzi nyikile ko tumbeta nhloko, loko ndzi ri emaxangwini; sweswi ndzi twele vusiwana, u yingisa ku khongela ka mina.

Pisalema 119:135

Ndzi langute hi tintswalo hikuva ndzi nandza wa wena, u ndzi dyondzisa ni milawu ya wena.

Pisalema 31:16

Ndzi nandza wa wena; ndzi langute hi tintswalo, u ndzi ponisa hi rirhandzu ra wena lero tshembeka.

Pisalema 80:19

Tlhela u hi pfuxa, we HOSI Xikwembu xa matimba hinkwawo, u hi amukela hi tintswalo, kutani hi ta ponisiwa.

Pisalema 80:7

Xikwembu xa matimba hinkwawo, tlhela u hi pfuxa, u hi amukela hi tintswalo, leswaku hi pona.

Vaefesa 1:3

A ku nkhensiwe Xikwembu, Tata wa Hosi ya hina Yesu Kriste, lexi nga hi katekisa eka Kriste hi minkateko ya moya ya tinxaka-xaka, ehenhla matilweni:

Pisalema 28:9

We HOSI, ponisa vanhu va wena u va katekisa, hikuva i ndzhaka ya wena; va hlayise hilaha ku nga heriki, hikuva u murisi wa vona.

Duteronoma 21:8

We HOSI Xikwembu, rivalela Vaisraele, va nga vanhu lava u va kutsuleke, u nga tshuki u va veka nandzu wa ku dlayiwa ka munhu loyi a nga dyohangiki, va rivalele!’

Pisalema 6:1

We HOSI, u nga ndzi bi wa ha hlundzukile, u nga ndzi tshinyi wa ha karihile.

Pisalema 76:1

Etikweni ra Yuda, Xikwembu xa tiveka, vito ra xona ra xiximiwa exiharhi ka Vaisraele.