Pisalema 66:10 - BIBELE Mahungu Lamanene

¹⁰ We Xikwembu, tani hileswi silivhere yi basisiwaka hi ndzilo, na hina u hi kamberile u hi basisa hi ndlela yoleyo.

Xitsonga (Bibele)

¹⁰ Hikuva wena, Xikwembu, u hi ringile! U hi nyukisile exirhengeleni kukotisa silivhere.

Pisalema 66:10 Referans Kwoze

Esaya 48:10

Vonani, ndzi mi kamberile hi ku mi hoxa endzilweni wa maxangu, ku fana ni loko va basisa silivhere hi ku yi n'okisa, kambe ndzi kuma leswaku a mi basanga.

Pisalema 17:3

U ndzi endzerile nivusiku, ku ta xiya mbilu ya mina, ni ku ndzi kambisisa, kambe a wu kumanga nchumu xa tingana;

Swivuriso 17:3

Nsuku ni silivhere swi kamberiwa hi ndzilo, timbilu ta vanhu tona ti kamberiwa hi HOSI Xikwembu.

Ntirho 23:10

Xikwembu xi tiva tindlela ta mina; loko xi ndzi kamberile, xi ta ndzi kuma ndzi tengile kukota nsuku.

Zakariya 13:9

Lava va nga ta sala, ndzi ta va kambela, ndzi va basisa hi ndzilo, kukota loko va basisa nsuku kumbe silivhere. Va ta ndzi huwelela, kutani mina ndzi ta va hlamula ndzi ku: ‘Mi vanhu va mina!’ Vona va ta vula va ku: ‘We HOSI, u Xikwembu xa hina!’ ”

Duteronoma 13:3

Marito ya muprofeta wo tano kumbe muhlamuseri wo tano wa milorho, mi nga tshuki mi ma yingisa, hikuva HOSI Xikwembu xa n'wina xi nga va xi ri eku mi kambeleni ku vona loko hakunene mi xi rhandza hi timbilu ta n'wina hinkwato ni moya wa n'wina hinkwawo.

Duteronoma 8:2

Mi nga tshuki mi rivala ndlela leyi HOSI Xikwembu xi mi fambiseke ha yona, malembe lawa hinkwawo ya 40 emananga. A xi endlela ku mi tshinya, xi mi kambela, leswaku xi ta tiva leswi mi ehleketaka swona, ni ku vona loko mi ta yingisa swileriso swa xona, kumbe mi ta ka mi nga swi yingisi.

Duteronoma 8:16

kwale mananga, xi mi nyikile manna, swi va swakudya swa n'wina leswi vatata wa n'wina va nga swi tivangiki. A xi endlela ku mi tshinya ni ku mi kambela ha swona, leswaku eku heteleleni xi ta mi katekisa.

Swivuriso 25:4

Susa thyaka eka silivhere, kutani muvumbi ú ta endla swilo swo saseka ha yona;

Malakiya 3:3

Ú ta tshama hansi, kukota munhu loyi a n'okisaka ni ku basisa nsuku ni silivhere: Ú ta basisa va ka Levhi, a va endla lava tengeke, leswaku va humesela HOSI Xikwembu magandzelo lama amukelekaka.