Pisalema 65:9 - BIBELE Mahungu Lamanene

⁹ U tikarhatela misava hi ku yi nisela mpfula, u yi andzisela minkateko. We Xikwembu, mati ma khuluka emilambyeni ya wena, u mirisa mavele emasin'wini ya vanhu; misava ya kona u yi lulamisa swinene.

Xitsonga (Bibele)

⁹ U endzela misava, u yi cheleta ngopfu, U yi nyika ndzalo leyikulu ngopfu; Xinambyana xa Xikwembu xi tala hi mati; U mirisa mavele loko u lunghisisa misava hi sweswo.

Pisalema 65:9 Referans Kwoze

Pisalema 46:4

Ku ni nambu lowu khulukaka wu tisaka ntsako emutini wa Xikwembu; muti lowu i ndhawu ya Loyi a nge henhla-henhla, wu hlawulekile ku tlula tindhawu hinkwato.

Nhlavutelo 22:1

Kutani ntsumi yi ndzi komba nambu wa mati ya vutomi lowu vangamaka ku fana ni “kristala”, wu khuluka wu huma exiluvelweni xa Xikwembu ni xa Xinyimpfana.

Yeremiya 5:24

A mi ehleketanga ku vula mi ku: ‘A hi chaveni HOSI Xikwembu xa hina, hikuva hi xona xi nisaka mpfula hi minkarhi ya yona, mpfula ya xirimo ni leyo tsema nguva, xi vekile ni masiku ya ku tshovela swa le masin'wini.’

Rhuti 1:6

Loko a ha ri etikweni ra Mowabu, Nahumi a twa leswaku HOSI Xikwembu xi pfunile tiko ra xona, xi ri phamela swakudya. Hikokwalaho a longa a ri ni vingi va yena, leswaku va ta suka etikweni ra Mowabu.

Genesa 26:12

Kutani Isaka a rima masimu etikweni rero. Hi lembe leri, Isaka a va ni ntshovelo wo tlula ka dzana leswi a swi byaleke. HOSI Xikwembu xi n'wi katekisa,

Timhaka 14:17

Hambiswiritano, a xi tshikanga ku tikomba leswi xi nga swona, hi ku endla leswinene; xi mi nyikile timpfula to huma etilweni, na tinguva ta ndzalo, xi mi andzisela ni swakudya, xi tata timbilu ta n'wina hi ku tsaka.”

Yeremiya 14:22

Xana swikwembu swa vamatiko swi tshama swi nisa mpfula ke, kumbe matilo ma nga wisa mberha ha woxe xana? E-e! Munyiki wa swona hi wena ntsena, wena HOSI Xikwembu xa hina; hi tshemba wena ntsena, hikuva swilo leswi hinkwaswo swi endliwe hi wena.

Pisalema 147:14

Xi tisa ku rhula etikweni ra wena, xi ku phamela leswo nandziha u dya u xurha.

Pisalema 107:37

va byala mavele, va byala ni mirhi ya vhinya, ntshovelo wa kona wu va lowu tsakisaka;

Pisalema 65:11

Lembe hinkwaro u ri sasekisa hi minkateko ya wena, kun'wana ni kun'wana laha u hundzaka kona, vanhu va dya va xurha.

Levhitika 26:4

Loko mi endla sweswo, ndzi ta mi nisela mpfula hi tinguva ta kona, kutani masimu ya n'wina ma ta humesa ntshovelo lowo tala, ni mirhi ya n'wina ya mihandzu yi ta tswala swinene.

Pisalema 63:1

We Xikwembu, u Xikwembu xa mina, ndza ku lava, ndzi ni torha ra wena. Mina hi xiviri xa mina ndza ku rilela, ku fana ni misava leyi omeke loko yi rilela mati.

Esaya 41:5

“Vanhu va le matikweni ya le kule, va swi vonile, kutani va chava; misava hinkwayo ya ninginika, vanhu va hlengeletana, va ta.

Daniele 4:2

Ndzi vone swi lulamile eka mina ku mi komba mahlori hinkwawo lawa Xikwembu xa le henhla-henhla xi ndzi endleleke wona.

Malakiya 1:11

“Vito ra mina i rikulu exikarhi ka vanhu va misava hinkwayo; endhawini yin'wana ni yin'wana, vanhu va ndzi hisela mirhi ya risuna, va ndzi humesela magandzelo lama tengeke. Hakunene, vito ra mina i rikulu exikarhi ka vanhu va matiko hinkwawo. Ndzi vula sweswo, mina HOSI ya matimba hinkwawo.