Pisalema 65:8 - BIBELE Mahungu Lamanene

⁸ Hikokwalaho, emisaveni hinkwayo vanhu va hlamala loko u va komba mintirho ya wena; ku sukela evuxeni ku ya fika evupeladyambu, u va bisa nkulungwana wa ntsako.

Xitsonga (Bibele)

⁸ Lava akeke emakun'wini ya misava va chava mahlori ya wena; U tsakisa matlhelo ya le vuxeni ni le vupeladyambu.

Pisalema 65:8 Referans Kwoze

Pisalema 148:3

Wena dyambu na wena n'weti xi dzuniseni, xi dzuniseni n'wina hinkwenu tinyeleti leti vangamaka.

Pisalema 136:8

Ú endle dyambu ku fuma nhlekanhi, — Rirhandzu ra yena hi leri nga heriki —

Pisalema 126:2

A hi tsakile swinene hi ba minkulungwana, vamatiko va kondza va ku: “HOSI Xikwembu xi va endlerile leswikulu!”

Pisalema 74:16

Vusiku byi le mavokweni ya wena, na wona nhlekanhi wu fumiwa hi wena, u vekile dyambu ni tinyeleti etindhawini ta swona.

Nhlavutelo 11:13

Hi nkarhi wolowo ku va ni ku tsekatseka lokukulu ka misava, kutani xiphemu xin'we xa khume xa muti xi hindzimuka, ku fa vanhu va 7 000 va dlawa hi ku tsekatseka loku. Lava saleke va khomiwa hi ku chava lokukulu, kutani va dzunisa Xikwembu xa le tilweni.

Pisalema 135:9

N'wina Vaegipta, HOSI Xikwembu xi bile hosi ya n'wina Faro ni malandza ya yena hinkwawo, hi mahlori ni swihlamariso.

Pisalema 19:5

Loko ri huma, ri fana ni muteki la pfukaka endlwini ya yena; ri khoma ndlela ya rona ri tsakile kukota wanuna wa xitsutsumi emphikisanweni;

Pisalema 2:8

Kombela eka mina, kutani ndzi ta ku nyika matiko ma va ndzhaka ya wena, misava hinkwayo yi ta va ya wena ku ya fika evugimamusi.

Duteronoma 4:19

Loko mi languta ehenhla, mi vona hinkwaswo leswi nga kona, ku nga dyambu, ni n'weti, ni tinyeleti, tivoneleni leswaku swi nga mi hambukisi, kutani mi swi nkhinsamela kumbe ku swi tirhela, hikuva swilo leswi, HOSI Xikwembu xa n'wina xi swi avele vanhu va matiko man'wana hinkwawo leswaku va swi gandzela.

Pisalema 66:3

Huwelelani emahlweni ka Xikwembu mi ku: “Mintirho ya wena ya hlamarisa; valala va wena va rhurhumela emahlweni ka wena, hikuva matimba ya wena i makulu.

Pisalema 65:13

Etimbaleni ku tele tinyimpfu ni timbuti. Mavele ma funengeta minkova, ntumbuluko hinkwawo wu yimbelela wu tsakile.

Ntirho 38:12

“We Yobo, himpfhuka u velekiwa, u tshama u vitana vurhonga, kumbe ku byi komba ndhawu ya byona ke?

Genesa 8:22

“Loko misava ya ha ri kona, ku byala ni ku tshovela, xirhami ni mumu, ximumu ni xixika, nhlekanhi ni vusiku, swi nga ka swi nga yimi!”

Pisalema 89:10

U dlayile Rahaba nyoka ya le lwandle, u yi phyandlasa; u hangalasile valala va wena hi ntamu wa wena lowukulu.

Pisalema 107:29

Xi miyetile xidzedze, xi ku whíí, magandlati ya lwandle ma rhula.

Esaya 17:13

Vanhu va matiko va ba pongo ku fana ni maboboma, kambe Xikwembu xi ta va tshinya, va tsutsuma va ya kule swinene, kukota mungu lowu hahisiwaka hi moya etintshaveni, kumbe ritshuri loko ku ri na xidzedze.