Pisalema 65:11 - BIBELE Mahungu Lamanene

¹¹ Lembe hinkwaro u ri sasekisa hi minkateko ya wena, kun'wana ni kun'wana laha u hundzaka kona, vanhu va dya va xurha.

Xitsonga (Bibele)

¹¹ U tlhandleka lembe hi harhi ya rifuwo ra wena, Ni mafurha ma tshonela emitileni ya wena;

Pisalema 65:11 Referans Kwoze

Pisalema 103:4

Hi xona xi kutsulaka vutomi bya mina esirheni, xi ndzi rhendzela hi rirhandzu ni tintswalo.

Pisalema 5:12

We HOSI, u katekisa munhu wo lulama, nsovo wa wena wu n'wi vhikela ku fana ni xitlhangu.

Pisalema 36:8

Va hanya endzalweni ya leswi u va phamelaka swona; u va nwisa ni mati layo nandziha enambyeni wa wena,

Hagayi 2:19

Xana mbewu ya ha ri kona enguleni xana? Xana masimu ya vhinya, ni minkuwa, ni mirhi ya magrenada, ni mitlhwari, swa ha pfumala mihandzu ni sweswi ke? E-e! Ku sukela siku ra namuntlha, ndzi ta mi katekisa.”

Swivuriso 14:18

Hakelo ya vanhu vo kala mano, i vuphukuphuku, kasi vutivi i harhi enhlokeni ya lava nga ni miehleketo.

Malakiya 3:10

Tisani vukhume hinkwabyo endlwini ya vuhlayiselo, leswaku ku va ni swakudya eTempeleni ya mina. Kutani mina HOSI ya matimba hinkwawo ndzi ri: Ndzi ringeteni hi ndlela yeleyo, mi vona loko ndzi nga mi pfuleli mafasitere ya le tilweni, ndzi mi nisela minkateko hi ntalo.

Yuwele 2:14

A hi tivi, kumbexana Xikwembu xi nga tlhela emakungwini ya xona, xi mi avela minkateko ya xona, xi mi nyika mapa ni vhinyo ya magandzelo, mi swi humesela yona HOSI, Xikwembu xa n'wina.

Pisalema 25:10

Tindlela hinkwato ta HOSI Xikwembu ti komba rirhandzu ra xona ni ku tshembeka ka xona eka lava hlayisaka ntwanano wa xona ni switsundzuxo swa xona.

Pisalema 104:3

U tiakerile vutshamo exibakabakeni xa le tilweni, u khandziya mapapa onge i golonyi, u ya hala ni hala etimpapeni ta moya;

Varhoma 11:17

Kambe leswi marhavi man'wana ma phatluriweke, ni leswi wena mutlhwari wa le nhoveni u tlhomiweke ematshan'wini ya wona, u tlhela u phameriwa mafurha ya rimitsu ra mutlhwari wa le kaya,

Ntirho 36:28

mapapa ma kondza ma yi chululela etinhlokweni ta vanhu, yi nela lavo tala.

Duteronoma 11:12

Tiko leri, HOSI Xikwembu xi tikarhatela rona minkarhi hinkwayo, xi ri hlayisa ku sukela loko lembe ri sungula ku kondza ri ya hela.

Ntirho 5:10

Hi xona xi nisaka mpfula emisaveni, xi khulukisa ni milambu ematikweni.

Pisalema 68:10

Vanhu va wena va kumile vutshamo eka rona, hikuva u Xikwembu lexi nga ni vunene, lexi tiyisaka swisiwana.

Pisalema 104:13

U cheleta tintshava hi timpfula u ri ematilweni, misava yi kolwa hi leswi u yi endlelaka swona.