Pisalema 64:9 - BIBELE Mahungu Lamanene

⁹ hinkwavo va ta chava; va ta anakanya hinkwaswo leswi Xikwembu xi swi endleke, kutani va ta tivisa van'wana.

Xitsonga (Bibele)

⁹ Vanhu hinkwavo va khomiwa hi ku chava, Va vula mitirho ya Xikwembu, va anakanya leswi xi swi endleke,

Pisalema 64:9 Referans Kwoze

Yeremiya 51:10

HOSI Xikwembu xa hina xi hi lamulerile, a hi yeni hi ya tivisa van'wana eSiyoni leswi xi hi endleleke swona!”

Yeremiya 50:28

Yingisani! Vanhu lava phonyokeke etikweni ra Babilona hi lava, va ta hi ku tsutsuma. Entshaveni ya Siyoni va twarisa mahungu, va ku: “HOSI Xikwembu xa hina xi bile va le Babilona, xi va rihiseta, hikuva a va hisile Tempele ya xona.”

Pisalema 40:3

Enon'weni wa mina xi nghenisile risimu lerintshwa leri dzunisaka xona Xikwembu xa hina; vanhu lavo tala va ta swi vona, kutani va ta chava, va sungula ku tshemba HOSI Xikwembu.

Hosiya 14:9

Lava tlhariheke, a va twisise swilo leswi; lava swi twisisaka, a va swi hlayise etimbilwini ta vona. Tindlela ta HOSI i tinene, lava lulameke va famba eka tona, kasi vadyohi va khuguka va wa.

Esaya 5:12

Eminkhubyeni ya vona va nwa vhinyo va ri karhi va chaya switende hi tiharipa ni swingomana ni tinanga; kambe mintirho ya HOSI Xikwembu a va na mhaka na yona, ni leswi xi swi endleke, a va swi voni.

Pisalema 58:11

Vanhu va ta vula va ku: “Lavo lulama va vuyeriwa hakunene, Xikwembu lexi avanyisaka misava, xi kona!”

Nhlavutelo 11:13

Hi nkarhi wolowo ku va ni ku tsekatseka lokukulu ka misava, kutani xiphemu xin'we xa khume xa muti xi hindzimuka, ku fa vanhu va 7 000 va dlawa hi ku tsekatseka loku. Lava saleke va khomiwa hi ku chava lokukulu, kutani va dzunisa Xikwembu xa le tilweni.

Ezekiele 14:23

Loko mi ta va mi vonile mikhuva ni mintirho ya kona, mi ta twisisa leswaku hikwalaho ka yini ndzi bile muti wa Yerusalema hi ndlela leyi. Ndzi vula sweswo mina HOSI N'wini wa hinkwaswo!”

Pisalema 119:20

Minkarhi hinkwayo ndzi navela ngopfu ku tiva leswi u swi boheke.

Pisalema 53:5

Hi lavaya, va sungula ku rhurhumela hi ku chava, kasi a ku na nchumu xo chavisa. Xikwembu xi ta hangalasa lava taka va ta ku hlasela; kutani wena u ta va khomisa tingana, hikuva Xikwembu xi ta va xi va fularherile.

Pisalema 59:13

Eku hlundzukeni ka wena, va herise u va herisela makumu. A swi tiviwe ni le makun'wini ya misava leswaku va ka Yakobo va fumiwa hi wena we Xikwembu.

Pisalema 140:10

A va wele hi makala lama vuvumelaka, va hoxiwa ekheleni ra ndzhope va nga ha humi!