Pisalema 63:5 - BIBELE Mahungu Lamanene

⁵ Ndzi titwa ndzi tsakile, onge ndzi lo dya nyama yo nona, kutani ndzi ba nkulungwana ndzi ku dzunisa.

Xitsonga (Bibele)

⁵ Moya wanga wu ta xurha swange i mongo ni mafurha. Kutani nomu wa mina wu ta ku twarisa hi marito ya ku tsaka.

Pisalema 63:5 Referans Kwoze

Esaya 25:6

Entshaveni ya Siyoni, HOSI ya matimba hinkwawo yi ta endla nkhuvo lowu nga ta dyiwa hi vanhu hinkwavo. Ku ta dyiwa nyama leyo nona leyi nga ni mongo, ku nwiwa ni vhinyo yo saseka leyi hlayisiweke swinene.

Pisalema 43:4

Kutani ndzi ta fika alitarini ya wena, we Xikwembu lexi xi ndzi nyikaka ku tsaka; ndzi ta yimbelela ndzi ku dzunisa hi swichaya-chayani, wena u nga Xikwembu xanga.

Pisalema 17:15

Loko a ri mina, ndzi ta vona mombo wa wena ndzi ri loyi a pembeleke; loko ndzi pfuka, ndzi ta kolwa hi ku ku vona, wena hi xiviri xa wena!

Pisalema 135:3

Dzunisani HOSI Xikwembu, hikuva xi ni vunene, yimbelelani mi twarisa vito ra xona, hikuva xi rhandzeka ngopfu.

Pisalema 71:23

Loko ndzi ri karhi ndzi ku tlangela, ndzi ta ba nkulungwana hi mhaka ya leswi u ndzi kutsuleke.

Pisalema 65:4

Ku katekile munhu loyi u n'wi hlawuleke ku tshama exivaveni xa muti wa wena, loyi u n'wi tshinetaka kusuhi na wena. Na hina hi tsakisiwa hi leswo saseka endlwini ya wena, swi nga leswo hlawuleka swa Tempele ya wena.

Yeremiya 31:4

N'wina Vaisraele, ndzi ta tlhela ndzi mi simeka etikweni ra n'wina, kutani mi ta tshamiseka swinene. Mi ta tlhela mi rhwala swingomana, mi ya cina ni lava tsakeke.

Risimu ra Tinsimu 1:4

Hatlisa u ndzi koka, hi tsutsuma swin'we. Ndzi nghenise endlwini ya wena, we hosi yanga. Hi ta ku dzunisa, hi ku tsakela; hi ta tlangela rirhandzu ra wena, leri tsokombelaka ku tlula vhinyo. Kunene swa fanela leswaku vanhwana va ku rhandza.

Pisalema 104:34

Risimu leri ra mina a ri tsakise HOSI, hikuva ndzi titsakela eka yona.

Pisalema 96:6

Ku dzuneka ni vukulukumba swi le ka xona, Tempele ya xona yi tele hi matimba ni ku saseka.

Pisalema 104:33

Vutomi bya mina hinkwabyo, ndzi ta yimbelela ndzi tlangela HOSI, ndzi ta dzunisa Xikwembu xa mina loko ndza ha hanya.

Pisalema 134:2

Tlakusani mavoko ya n'wina ma langutana ni xivandla lexo hlawuleka, mi ri karhi mi tlangela HOSI.