Pisalema 61:7 - BIBELE Mahungu Lamanene

⁷ A a fume hilaha ku nga heriki emahlweni ka wena, we Xikwembu; n'wi hlayise hi rirhandzu ra wena ni ku tshembeka ka wena.

Xitsonga (Bibele)

⁷ A yi tshamise emahlweni ka Xikwembu hi laha ku nga heriki! Lerisa tintswalo ni swinene, swi yi langutela!

Pisalema 61:7 Referans Kwoze

Pisalema 40:11

We HOSI, u nga tshiki ku ndzi komba tintswalo, ndzi funengete hi rirhandzu ni ku tshembeka ka wena.

Genesa 24:27

a ku: “A ku dzunisiwe HOSI, xona Xikwembu xa n'wini wa mina Abrahama, lexi nga tshikangiki ku komba ku tshembeka ka xona ni tintswalo ta xona eka n'wini wa mina. Hi xona lexi xi ndzi rhangeleke eriendzweni ra mina xi ta ndzi fikisa eka makwavo wa n'wini wa mina.”

Pisalema 57:3

Xi ta ndzi hlamula xi ri etilweni, xi ndzi ponisa, lava va ndzi kandziyelaka, xi ta va fularhela. Xikwembu xi ta ndzi komba rirhandzu ra xona, ni ku tshembeka ka xona.

Pisalema 41:12

U ta ndzi seketela, hikuva a ndzi na nandzu, kutani u ta ndzi hlayisa kusuhi na wena hilaha ku nga heriki.

Vaheveru 9:24

Hikuva Kriste a nga nghenanga exivandleni lexo hlawuleka xo endliwa hi mavoko, lexi ngo va xifaniso ntsena xa lexa xiviri, kambe ú nghenile etilweni hi koxe, a ta humelela sweswi emahlweni ka Xikwembu ku hi yimela.

Luka 1:33

Ú ta fuma rixaka ra Yakobo hilaha ku nga heriki; vuhosi bya yena byi nga ka byi nga vi na makumu.”

Mikiya 7:20

U ta komba ku tshembeka ka wena ni tintswalo ta wena eka va ka Yakobo, vona vatukulu va Abrahama, hilaha u hlambanyeke hakona khale, loko u tshembisa vatata wa hina.

Swivuriso 20:28

Hosi leyi nga ni tintswalo ni ku tshembeka, yi ta hlayiseka, vuhosi bya yona byi ta tiyisiwa hi leswo lulama.

Pisalema 43:3

Ndzi kombe ku vonakala ka wena ni ntiyiso wa wena; a swi ve swona swi ndzi fambisaka, swi ndzi fikisa entshaveni ya wena leyo hlawuleka, laha Tempele ya wena yi nga kona.

Genesa 32:10

Mina nandza wa wena a ndzi nga fanelanga ku kuma rirhandzu ra wena lero tshembeka, ni tintswalo hinkwato leti u ndzi kombeke tona. Loko ndzi pela nambu lowu wa Yordani, a ndzi khomile nhonga ntsena, kambe sweswi ndzi ni mintlawa mimbirhi.

2 SAMIELE 7:26

kutani vito ra wena ri ta twala hilaha ku nga heriki; vanhu va ta ku: ‘HOSI ya matimba hinkwawo, i Xikwembu xa Israele!’ Naswona rixaka ra mina Davhida nandza wa wena ri ta tiyisiwa emahlweni ka wena.

Pisalema 21:5

Ku dzuneka ka yena i kukulu, hikuva u n'wi pfunile, u n'wi nyikile ndzhuti ni ku chaviseka.