Pisalema 60:4 - BIBELE Mahungu Lamanene

⁴ We HOSI, hlengeleta vanhu lava va ku chavaka ehansi ka mujeko wa wena, leswaku va ta pona miseve ya valala.

Xitsonga (Bibele)

⁴ U nyikile lava ku chavaka mfungho, Leswaku va pfuka hikwalaho ka vutshembeki bya wena.

Pisalema 60:4 Referans Kwoze

Pisalema 20:5

Hi ta ba minkulungwana hi tlangela ku hlula ka wena, hi yimisa mijeko ya hina hi vito ra Xikwembu xa hina. HOSI Xikwembu a xi ku nyike hinkwaswo leswi u swi kombelaka!

Esaya 11:12

Ú ta yimisela matiko emujeko, a hlengeleta hinkwavo lava susiweke etikweni ra Israele, a vuyisa vaaki va tiko ra Yuda, lava hangalakeke ematlhelweni hinkwawo ya misava.

Eksoda 17:15

Kutani Muxe a aka alitari, a yi thya vito ra “HOSI-i-mujeko-wanga”,

Esaya 13:2

HOSI Xikwembu xi ri: “Yimisani mujeko exintshabyanini xo pfumala mirhi, huwelelani, mi rhamba mavuthu, tlakusani mavoko mi va vitana, va ta nghena etinyangweni ta muti wa lavo chaviseka.

Esaya 5:26

HOSI Xikwembu xi ta tlakusa mujeko xi vitana vanhu va le kule, xi ta va bela khwela, va ta va huma ematlhelweni hinkwawo ya misava; vonani, hi lava va taka hi ku hatlisa, va ta hi ku tsutsuma.

Risimu ra Tinsimu 2:4

Ú ndzi tisile endlwini ya nkhuvo, mujeko wa yena ehenhla ka mina i rirhandzu.

Esaya 49:22

HOSI N'wini wa hinkwaswo ú vurisa sweswo ú ri: “Vonani, ndzi ta yimisa voko ni mujeko, ndzi koweta matiko ni vanhu va wona; va ta tlakula vana va wena va xinuna va va vuyisa, va xisati vona va ta ta na vona va va bebule kunene.

Esaya 59:19

Ku suka evupeladyambu ku ya fika evuxeni, vito ra HOSI Xikwembu ni ku dzuneka ka xona swi ta xiximiwa; xi ta ta hi rivilo ku fana ni xinambyana lexi hobomulanaka, lexi mati ya kona ma susumetiwaka hi moya wa HOSI Xikwembu.

Pisalema 45:4

Eku chavisekeni ka wena u ta humelela; famba u ya yimela ntiyiso, u avanyisa hi musa ni ku lulama; voko ra wena ra xinene a ri ku pfune ku endla leswo hlamarisa.