Pisalema 60:10 - BIBELE Mahungu Lamanene

¹⁰ loko ku nga ri wena Xikwembu! Kasi u hi tshikile, mavuthu ya hina a wa ha fambi na wona enyimpini!

Xitsonga (Bibele)

¹⁰ Xana a hi wena Xikwembu lexi ngi u hi cukumetile, Wena Xikwembu lexi ngi u nga ha humi ni tinyimpi ta hina xana?

Pisalema 60:10 Referans Kwoze

Pisalema 108:11

loko ku nga ri wena Xikwembu! Kasi sweswi u hi cukumetile, a wa ha yi na wona mavuthu ya hina enyimpini.

Yoxuwa 7:12

Hikokwalaho, Vaisraele va nga ka va nga swi koti ku hlula valala va vona; va tsutsuma va chava valala va vona hikuva na vona Vaisraele va fana ni swilo leswi nyiketiweke leswaku swi herisiwa. Mina a ndzi nga vi na n'wina, loko mi nga si herisa swilo leswi nga xikarhi ka n'wina leswi nyiketiweke leswaku swi herisiwa.

Pisalema 60:1

We Xikwembu, u hi cukumetile, u hi hangalasile, hikuva a wu hlundzukile, kambe sweswi, tlhela u hi pfuxa.

Duteronoma 20:4

hikuva HOSI Xikwembu xa n'wina, hi xona xi mi lwelaka; xi ta famba na n'wina, xi mi hlulela valala.’

Duteronoma 1:42

Kambe HOSI Xikwembu xi ku ka mina: ‘Byela vanhu lava leswaku va nga tshuki va tlhandlukela emagangeni ku ya lwa nyimpi, hikuva mina a ndzi kona exikarhi ka vona, kutani valala va vona va ta va hlula.’

Esaya 8:17

HOSI Xikwembu xi fularhele va ka Yakobo, kambe mina ndzi ta langutela xona, ndzi xi tshemba.

Pisalema 20:7

Van'wana va titshembela makalichi, van'wana tihanci, kambe hina hi titshembela vito ra HOSI Xikwembu xa hina.

Yoxuwa 10:42

Yoxuwa ú kotile ku teka matiko lawa hinkwawo ni tihosi ta wona hi nkarhi wun'we hikuva HOSI Xikwembu xa Israele a xi lwela Vaisraele.

2 SAMIELE 8:2

Davhida a hlula ni mavuthu ya Vamowabu; a xaxameta lava khomiweke, a va pavalarisa ehansi, kutani a va pima hi ngoti, ku huma mintlawa minharhu; hiloko a yisa mintlawa mimbirhi eku dlaweni, kambe a tsetselela hinkwavo lava a va ri entlaweni wa vunharhu. Ku sukela siku rero, Vamowabu va va ehansi ka mfumo wa Davhida, va humesa ndzuvo va n'wi luva.

2 SAMIELE 8:6

Kutani Davhida a veka mintlawa ya varindzi leswaku va rindza Vasiriya va le Damaska; kwalaho Vasiriya va va ehansi ka mfumo wa Davhida, va humesa ndzuvo va n'wi luva. HOSI Xikwembu a xi nyika Davhida ntamu wa ku hlula valala va yena, hinkwako lomu a a famba a ya lwa kona.