Pisalema 6:6 - BIBELE Mahungu Lamanene

⁶ Ndzi hela ntamu hi ku rila, mihloti ya mina yi khuluka vusiku hinkwabyo, yi tsakamisa sangu ni minkumba.

Xitsonga (Bibele)

⁶ Ndzi karhele hi ku keta; Hi vusiku byin'wana ni byin'wana, ndzi tsakamisa xilawu xa mina hi ku rila; Byetlelo bya mina byi tsakama hi mihloti ya mina.

Pisalema 6:6 Referans Kwoze

Pisalema 69:3

Nkolo wa mina wu twa ku vava, hikuva ndzi huwelele ngopfu, kutani ndzi karhele, ni mahlo ya mina ma fehla hi ku ku langutela, we Xikwembu xanga.

Pisalema 42:3

Mihloti i swakudya swa mina vusiku ni nhlekanhi, hikuva va tshamela ku ndzi vutisa va ku: “Xana Xikwembu xa wena xi kwihi ke?”

Pisalema 38:9

We N'wini wanga, u tiva hinkwaswo leswi ndzi swi navelaka, ku konya ka mina, wa ku twa.

Swirilo 2:11

Mahlo ya mina ma fehla hi ku rila, moya wa mina wu le ku karhatekeni; ndzi hele ntamu hi ku vaviseka, hikwalaho ka ku lovisiwa ka muti wa hina, ni hikwalaho ka tinsana ni tindzumulo leti faka hi ndlala ni torha emagondzweni ya muti.

Swirilo 1:16

“Timhaka leti ti ndzi vavisa mbilu, mahlo ya mina ma xiririka mihloti, hikuva loyi a ndzi tiyisaka, loyi a a ta ndzi nyika matimba, ú le kule na mina. Vana va mina va le ku vavisekeni, hikuva nala ú ndzi hlurile.”

Swirilo 1:2

Nivusiku Yerusalema ú rila hi xiviti, mihloti yi xiririka emarhameni. Exikarhi ka lava khale a a rhandzana na vona, ku pfumaleka ni un'we wo n'wi miyeta; hinkwavo lava khale a va ri vanghana va yena, namuntlha va hundzuke valala eka yena, va n'wi xisa.

Ntirho 23:2

“Ni namuntlha ndza ha rila ndzi vilela swinene, eku konyeni ka mina, ndzi ringeta ku tikhoma.

Ntirho 16:20

Vanghana va mina va ndzi hlekula, kutani ndzi rila ndzi langutile eka Xikwembu.

Ntirho 7:3

Na mina, a ndza ha hanyeli nchumu, vusiku ni nhlekanhi ndzi kombiwa maxangu lama nga riki na ku hela.

Luka 7:38

Kutani a ta hi le ndzhaku ka Yesu, a nkhinsama a ri karhi a rila, a tsakamisa ni milenge ya Yesu hi mihloti, a yi sula hi misisi ya yena, a yi ntswontswa; endzhaku ka sweswo a yi tota hi mafurha layo nun'hwela.

Yeremiya 14:17

Xikwembu xi ndzi lerisile ku tivisa vanhu xirilo xa mina lexi nge: Mihloti ya mina yi khuluka yi nga yimi vusiku ni nhlekanhi, hikuva vanhu va ka hina va humeleriwe hi khombo lerikulu, va boxiwe mbanga yo chavisa.

Pisalema 88:9

Mahlo ya mina ma fehla hikuva ndzi le ku rileni. We HOSI, masiku hinkwawo ndza ku khongela, ndzi tlakusile mavoko.

Pisalema 39:12

“We HOSI, ndzi huwelela eka wena, rhiya ndleve u yingisa ku khongela ka mina, u nga tshiki ku ndzi pfuna loko ndzi ri eku rileni, hikuva eka wena ndzo va muhundzi wa ndlela, ndzi muluveri kukota vatata wa mina.

Ntirho 10:1

“Ndzi karhele ku hanya; hikokwalaho ndzi lava ku boxa leswi swi ndzi vilerisaka, ndzi phofula leswi nga mbilwini ya mina.

Pisalema 30:10

We HOSI, ndzi yingise u ndzi tsetselela, tana u ta ndzi pfuna, we HOSI.”

Pisalema 88:11

Xana esirheni ka ha vulavuriwa hi rirhandzu ra wena xana? Lava nga xivandleni xa vafi va nga ha vulavula hi ku tshembeka ka wena xana?

Pisalema 115:17

Lava feke, va nga hinkwavo lava nga rhelelela exivandleni xa vafi, va nga ka va nga dzunisi HOSI Xikwembu;

Esaya 38:18

Xivandla xa vafi xi nga ka xi nga ku nkhensi, ni rifu ri nge ku dzunisi! Vanhu lava nga emasirheni, a va ha voni ku tshembeka ka wena.