Pisalema 6:4 - BIBELE Mahungu Lamanene

⁴ Vuya HOSI, u ta ndzi lamulela, ndzi ponise, hikuva rirhandzu ra wena ra tshembeka.

Xitsonga (Bibele)

⁴ Tlhela, Yehovha! U tshunxa moya wa mina; U ndzi ponisa hikwalaho ka tintswalo ta wena.

Pisalema 6:4 Referans Kwoze

Daniele 9:18

We Xikwembu xanga, rhiya ndleve u yingisa. Pfula mahlo u languta maxangu ya hina ni ku onhaka ka muti lowu wu thyiweke vito ra wena. Loko hi tisa swirilo swa hina eka wena, a hi leswaku hi tshemba ku lulama ka hina, e-e, kambe hi tshemba ntsena tintswalo ta wena letikulu.

Pisalema 17:13

Suka u yima, we HOSI! Va hlanganise, u va wisela ehansi. Ndzi lwele hi fumu ra wena eka vanhu lava vo homboloka.

Malakiya 3:7

Ku sukela eminkarhini ya vatata wa n'wina, mi hambukile endleleni, mi tshika swiletelo swa mina, ni ku swi hlayisa a mi swi hlayisanga. Vuyelani eka mina, kutani na mina ndzi ta vuyela eka n'wina. Ndzi vula sweswo mina HOSI ya matimba hinkwawo. Kambe n'wina mi ndzi vutisa mi ku: ‘Xana hi nga vuyerisa ku yini?’

Pisalema 121:7

HOSI yi ta ku ponisa emakhombyeni hinkwawo, yi ku sirhelela.

Pisalema 116:4

Kutani ndzi vitana HOSI Xikwembu, ndzi ku ka xona: “We HOSI, ndza ku kombela, ndzi lamulele!”

Pisalema 90:13

We HOSI, tana u ta hi pfuna, hina malandza ya wena; xana u ta yima kule na hina ku ya fika rini xana?

Pisalema 80:14

We Xikwembu xa matimba hinkwawo, ha kombela, vuya! Languta u ri etilweni, u vona leswi humelelaka; sirhelela murhi lowu wa vhinya,

Pisalema 22:20

Ndzi ponise enyimpini leyi, u kutsula vutomi bya mina emilon'weni ya timbyana leti.

Vaefesa 1:6

ku endlela leswaku hi xi dzunisa hi mhaka ya tintswalo ta xona leto saseka ngopfu, leti xi hi nyikeke tona eka N'wana wa xona la rhandzekaka.

Esaya 38:17

Ku xaniseka loku ndzi veke na kona ku ndzi pfunile swinene; hi wena u endleke leswaku vutomi bya mina byi nga ngheni ekheleni lera tihanyi; u ndzi rivalerile ni swidyoho swa mina hinkwaswo.

Pisalema 120:2

Ni sweswi ndzi ri, ndzi ponise we HOSI eka vahembi ni vakanganyisi.

Pisalema 116:8

We Xikwembu, u ndzi vutlile emavokweni ya rifu, u ndzi surile mihloti, a wu pfumelanga leswaku ndzi rheta ndzi wa.

Pisalema 86:13

hikuva u ndzi kombile rirhandzu lerikulu, u ndzi kutsurile u ndzi humesa exivandleni xa vafi.

Pisalema 69:13

Loko ndzi ri mina we HOSI, ndzi khongela wena ntsena enkarhini lowu lavekaka. We Xikwembu, ndzi hlamule hi rirhandzu ra wena lerikulu, hikuva hi wena muponisi la tshembekaka.

Pisalema 25:7

U nga anakanyi swidyoho ni swihoxo swa vuntshwa bya mina; ndzi tsundzuke we HOSI, hikwalaho ka rirhandzu ra wena ni vunene bya wena!

Pisalema 13:2

Xana ndzi ta va ni gome emoyeni ku fikela rini, ni nhlomulo lowu ndzi nga na wona embilwini masiku hinkwawo wu ta hela rini xana? Xana valala va mina va ta tidzunisa hi ku va ehenhla ka mina ku fikela rini xana?

Pisalema 74:10

We Xikwembu, xana valala va ta ku hlekula ku fikela rini, xana lava lwaka na wena va ta ku sandza hilaha ku nga heriki xana?

Pisalema 79:5

We HOSI, xana u ta hi hlundzukela ku fikela rini? Xana vukari bya wena byi ta pfurha kukota ndzilo hilaha ku nga heriki xana?