Pisalema 59:3 - BIBELE Mahungu Lamanene

³ Languta we HOSI, va ndzi tumbelela va lava ku ndzi dlaya, vanhu lava va tihanyi va ndzi xiyaxiya va lwa na mina; mina a ndzi tlulanga milawu, a ndzi dyohanga nchumu,

Xitsonga (Bibele)

³ Hikuva languta, va rhiyele moya wa mina mitlhamu; Vanhu va matimba va ndzi etlelela; Ku nga ri hikwalaho ka ku homboloka kumbe ka xidyoho xa mina, oho Yehovha!

Pisalema 59:3 Referans Kwoze

Pisalema 56:6

Va ndzi tumbelela, va ndzi sala ndzhaku, va xiyaxiya leswi ndzi swi endlaka, hikuva makungu ya vona i ku ndzi dlaya.

Pisalema 69:4

Lava va ndzi vengaka mahala, va tele ku tlula misisi ya nhloko ya mina; valala va mina lava, va ni matimba va ringeta ku ndzi herisa, va ndzi hembela va ku ndzi fanele ku tlherisa leswi ndzi nga swi yivangiki.

1 SAMIELE 24:11

Languta tatana, languta xichupu xa le makumu ka xiambalo xa wena, lexi ndzi xi tameleke. Leswi ndzi tsemeke xichupu lexi ndzi nga ku dlayi, u nga tiva ni ku vona leswaku mina a ndzi na makungu ya ku ku endla swo biha kumbe ku ku hundzukela; naswona a ndzi ku dyohelanga, kambe wena u le ku ndzi hloteni, u lava ku ndzi dlaya!

Swivuriso 12:6

Marito ya lavo homboloka ma nga vanga rifu, kasi lavo lulama va ponisa vanhu hi ku vulavula ka vona.

Yohane 15:25

A swi ri leswaku rito leri nga tsariwa eNawini wa vona ri hetiseka, leri nge: ‘Va ndzi vengile ntsena ehandle ka mhaka.’

Mikiya 7:2

Emisaveni, a ka ha ri na munhu wa vukhongeri, ku pfumaleka na un'we wo lulama exikarhi ka vanhu; hinkwavo va tshama va tilulamisele ku halata ngati, un'wana na un'wana ú hlota munhu-kulobye, a n'wi khayimela entlhan'wini.

Timhaka 23:21

U nga tshuki u va pfumelela, hikuva vavanuna lava tlulaka 40 va n'wi tumbelele, va tibohile hi ku hlambanya, va ku: ‘Hi nga ka hi nga dyi ni ku nwa, loko hi nga si n'wi dlaya.’ Nisweswi va tilunghisile, va karhi va langutela leswaku u pfumela.”

Pisalema 38:12

Lava va lavaka ku ndzi dlaya, va rhiya mintlhamu, lava tsakelaka ku ndzi vavisa, va kanela swa ku ndzi lovisa, siku hinkwaro va vulavula swo kanganyisa.

Pisalema 2:2

Tihosi ta misava ti jamile, vafumi va matiko va twananile ku lwa na HOSI Xikwembu ni Muhlawuriwa wa xona,

1 SAMIELE 26:18

Davhida a engeta a ku: “Wena n'wini wanga, hikwalaho ka yini u ndzi hlongorisa xana, mina nandza wa wena? Ndzi onhe yini xana? Xana ndzi ni nandzu muni xana?

1 SAMIELE 24:17

kutani a ku ka Davhida: “Wa ndzi tlula hi ku lulama, hikuva u ndzi endlerile leswinene, kambe mina ndzi ku khome hi ndlela leyo biha.

1 SAMIELE 19:1

Siku rin'wana Sawulo a vulavula ni n'wana wa yena Yonatani, ni malandza ya yena hinkwawo, hi ta ku dlaya Davhida. Kasi Yonatani n'wana wa yena a a rhandza Davhida ngopfu,

Pisalema 140:2

Vanhu lava, va boha makungu layo biha, va le ku pfuxeni ka tinyimpi.

Swivuriso 24:15

U nga yi u ya tumbelela munhu wo lulama laha a tshamaka kona, muti wa yena, u nga tshuki u wu hlasela,