Pisalema 59:11 - BIBELE Mahungu Lamanene

¹¹ We N'wini wa hina, wena xitlhangu xa hina, u nga va dlayeli makumu, kambe wo va tsongahata hi matimba ya wena va pepetseka ni matiko, vanhu va ka hina va ta ka va nga swi rivali.

Xitsonga (Bibele)

¹¹ U nga va dlayi leswaku kumbe tiko ra mina ri swi rivala; U va hangalasa hi matimba ya wena, u va wisela ehansi, Wena Hosi, xitlhangu xa hina!

Pisalema 59:11 Referans Kwoze

Pisalema 3:3

Kambe we HOSI, u xitlhangu xa mina matlhelo hinkwawo, ndzi tidzunisa hi wena, hi wena u ndzi nyikaka xiyimo.

Nhlavutelo 9:6

Emasikwini walawo vanhu va ta lava rifu, kambe a va nga ri kumi; va ta navela ku fa, kambe rifu ri ta tsutsuma ri va siya.

Luka 21:21

Hi nkarhi wolowo, lava nge Yudiya, a va tsutsumele etintshaveni; lava nga mutini, a va hume ka wona; kutani lava nge handle etikweni, va nga tshuki va nghena emutini.

Pisalema 52:5

Kambe Xikwembu xi ta ku herisela makumu, xi ta ku wisa, xi ku humesa emutini wa wena, xi ta ku tsuvula u suka etikweni ra lava hanyaka.

Ntirho 40:12

Xiyaxiya lava titshembaka, u va yisa hansi, u kandziyela lavo homboloka lomu va nga kona.

Duteronoma 28:64

HOSI Xikwembu xi ta mi hangalasa ni matiko lama nga matlhelo hinkwawo ya misava. Loko mi ri kwale, mi ta tirhela swikwembu swin'wana leswi endliweke hi timhandze ni maribye, leswi mi nga swi tiviki, hambi vatata wa n'wina va nga swi tivangiki.

Duteronoma 4:27

HOSI Xikwembu xi ta mi hangalasa ni matiko, kutani exikarhi ka tinxaka hinkwato leti xi nga ta mi yisa eka tona, mi ta va mi nga talanga.

Pisalema 106:27

xi nyiketa ni vana va vona emavokweni ya vanhu vambe, va hangalasiwa ematikweni.

Pisalema 84:11

HOSI Xikwembu i khokholo ni xitlhangu, xi avela vanhu tintswalo ni ku dzuneka; lava hanyaka hi ndlela leyi nkhensekaka, HOSI Xikwembu xi va nyika minkateko.

Pisalema 84:9

Languta ni xitlhangu xa hina yi nga hosi ya tiko, wena Xikwembu, u yi amukela hi tintswalo, yona muhlawuriwa wa wena.

Pisalema 44:11

U hi khayimile kukota tinyimpfu leti yaka eku tlhaviweni, u hi hangalasa ni matiko.

Duteronoma 4:9

“Hlayisani timhaka leti swinene, mi ti veka embilwini; mi nga tshuki mi rivala leswi mi swi voneke; evutomini hinkwabyo bya n'wina, mi nga tshuki mi hambana na swona; vana va n'wina ni vatukulu va n'wina, va dyondziseni swona.

Levhitika 26:33

Ndzi ta mi vangela tinyimpi, ndzi mi hangalasa mi ya tshama exikarhi ka vamatiko. Etikweni ra n'wina ku ta sala ku nga ha ri na munhu, miti ya n'wina yi ta hundzuka marhumbi.

Eklesiasta 9:5

Lava hanyaka va swi tiva, va ya eku feni, kasi lava feke a va ha tivi nchumu. Va ha ta nkhensiwa hi mani xana, leswi va nga ha tsundzukiwiki hi munhu ke?

1 SAMIELE 24:5

Kambe endzhaku ka loko a tsemile xiambalo xa Sawulo, a biwa hi ripfalo,

Pisalema 118:7

HOSI Xikwembu xi yima na mina, xi ndzi nyika vapfuni, ndzi ta vona ku hluriwa ka lava va ndzi vengaka.