Biblia Todo Logo
Bib sou entènèt

- Piblisite -




Pisalema 57:4 - BIBELE Mahungu Lamanene

4 Ndzi etlela exikarhi ka tinghala, va nga vanhu lava mitetelaka van'wana; milomo ya vona i matlhari ni miseve, marito ya vona ma kariha onge i mikwana leyi lotiweke.

Gade chapit la Kopi

Xitsonga (Bibele)

4 Moya wa mina wu le xikarhi ka tinghala; Ndzi etlele exikarhi ka valala lava hlantaka ndzilo, Exikarhi ka vanhu lava meno ya vona ma nga matlhari ni miseve, Lava tindzimi ta vona ma nga mabanga layo kariha.

Gade chapit la Kopi




Pisalema 57:4
20 Referans Kwoze  

We Xikwembu, tshovelela meno ya tinghalanyana leti, fayetela tinhlaya ta tona we HOSI.


Ku ni vanhu lava meno ya vona ma nga timbatlu kumbe mikwana: Ha wona va herisa swisiwana laha misaveni, va susa ni vapfumeri evanhwini.


We N'wini wanga, u ta hlalela swilo leswi ku fika rini xana? Ndzi ponise emavokweni ya swigevenga leswi, u ndzi kutsula emin'waleni ya tinghala leti,


Marito ya yena a ma tsokombela wonge i vulombe, kambe a a ehleketa ntsena ku pfuxa tinyimpi; ku vulavula ka yena a ku rhetela kukota mafurha, kambe embilwini a a hlome matlhari.


Vanhu vo hatla ku vulavula, marito ya vona ma tlhava ku fana ni fumu, kasi marito ya lavo tlhariha ma horisa.


hikuva ku vulavula ka vona ka tlhava kukota tlhari leri lotiweke, marito ya vona ma dlaya, onge i miseve leyi nga ni vuxungu.


We mukanganyisi, ririmi ra wena i mukwana lowo kariha, ri kanela makungu yo herisa van'wana.


Enon'weni wa yena ku huma banga lero kariha, leri a nga ta tsema matiko ha rona, kutani ú ta ma fuma hi nhonga ya nsimbhi. Ú ta kandziyela xikamelo xa vhinya ya vukari lebyo chavisa bya Xikwembu lexi nga ni matimba hinkwawo.


Ririmi i ndzilo, ku homboloka ka rona ku ringana ni tiko hi vukulu. Ri le xikarhi ka swirho swa hina, kutani ri nyamisa miri hinkwawo, ri chela mpfundze evutomini hinkwabyo bya vanhu; ndzilo wa kona wu huma eTiheleni.


Munhu wo homboloka la fumaka tiko ra swisiwana, ú chavisa kukota nghala leyi bongaka kumbe xinkankanka lexi mpfhumpfhaka.


Munhu loyi a lumbetaka muakelani hi vumbhoni byo hemba, wa dlaya ku fana ni xigiya, kumbe fumu, kumbe nseve wo tontswa.


Twana! Milomo ya vona yi humesa nhlambha ntsena, marito ya vona ma tlhava kukota tlhari, va ehleketa leswaku ku hava loyi a nga va twaka.


Mahlo ya yena ma xiyaxiya lava tsaneke; ú bvutama a nga voniwi, ku fana ni nghala exihlahleni xa yona; ú tumbelela ku bvanyangeta swisiwana, a swi khoma, a swi kokela eritavaleni ra yena;


Kambe loko swi nga ri tano, ku ta pfurha ndzilo wu huma eka Abimeleke, wu herisa vanhu va muti wa Xikeme ni va ximutana xa Beta-Milo; ni le ka vanhu va muti wa Xikeme ni va ximutana xa Beta-Milo, ku ta huma ndzilo wu ya herisa Abimeleke.”


Xana i mani la nga tiyelaka ku yi anyula tinhlaya, leswi meno ya yona ma chavisaka xana?


Ndzi kombe ku vonakala ka wena ni ntiyiso wa wena; a swi ve swona swi ndzi fambisaka, swi ndzi fikisa entshaveni ya wena leyo hlawuleka, laha Tempele ya wena yi nga kona.


Swiv nou:

Piblisite


Piblisite