Pisalema 56:8 - BIBELE Mahungu Lamanene

⁸ Maxangu ya mina u ma tivile we HOSI, u hlengeletile mihloti ya mina exibyeni. Xana swilo leswi a wu swi tsalanga ebukwini ya wena xana?

Xitsonga (Bibele)

⁸ U tsala ku valanga hinkwako ka mina. Hlengeleta mihloti ya mina ekhuwaneni ra wena; A yi tsariwanga ebukwini ya wena xana?

Pisalema 56:8 Referans Kwoze

2 TIHOSI 20:5

“Famba, u ya byela Hezekiya mufambisi wa tiko ra mina, leswaku HOSI Xikwembu xa Davhida kokwa wa yena xi vurisa sweswo xi ri: ‘Xikhongelo xa wena ndzi xi twile, ndzi vonile ni mihloti ya wena. Hikokwalaho, ndzi ta ku horisa, kutani ku sukela mundlwani, u ta kota ku tlhandlukela endlwini ya mina.

Pisalema 39:12

“We HOSI, ndzi huwelela eka wena, rhiya ndleve u yingisa ku khongela ka mina, u nga tshiki ku ndzi pfuna loko ndzi ri eku rileni, hikuva eka wena ndzo va muhundzi wa ndlela, ndzi muluveri kukota vatata wa mina.

Malakiya 3:16

Kutani vanhu lava chavaka HOSI Xikwembu, a va vulavula swin'we. Hiloko HOSI Xikwembu xi rhiya ndleve xi va yingisa, kutani ku tsariwa buku emahlweni ka xona, yo tsundzuka hinkwavo lava chavaka HOSI Xikwembu, lava xiximaka vito ra xona.

Nhlavutelo 7:17

hikuva Xinyimpfana lexi nge xiluvelweni xi ta va murisi wa vona; xi ta va yisa eswihlobyeni swa mati ya vutomi, kutani Xikwembu xi ta sula mihloti hinkwayo emahlweni ya vona.”

Pisalema 139:16

U ndzi vonile ndzi nga si va ni xivumbeko. Masiku lawa u nga ndzi lunghisela wona, u ma tsarile hinkwawo ebukwini ya wena na rin'we ra wona ri nga si va kona.

Matewu 10:30

Loko mi ri n'wina, hambi yi ri misisi ya tinhloko ta n'wina yi hlayiwile hinkwayo.

Pisalema 121:8

Sweswi ni masiku hinkwawo HOSI yi ta ku hlayisa eku sukeni ka wena, ni ku ya fika laha u yaka kona.

Vaheveru 11:13

Vanhu lava hinkwavo va fele eku pfumeleni, va nga kumanga leswi a va tshembisiwile swona, kambe va swi vonile ni ku swi tsakela hi le kule, va ri karhi va tivula valuveri ni vaendzi emisaveni.

Esaya 63:9

emaxangwini ya vona hinkwawo; a va ponisiwanga hi murhumiwa kumbe ntsumi, xi va ponisile hi xoxe. Xi va twele vusiwana, xi va kutsula hi rirhandzu ra xona, eminkarhini hinkwayo leyi hundzeke, xi va vukarhile, xi va hlayisa.

Ntirho 16:20

Vanghana va mina va ndzi hlekula, kutani ndzi rila ndzi langutile eka Xikwembu.

Nhlavutelo 20:12

Naswona, ndzi vona vafi, lavakulu ni lavatsongo, va yimile emahlweni ka xiluvelo, kutani tibuku ti pfaluriwa. Ku pfaluriwa ni buku yin'wanyana, yi nga buku ya vutomi. Vafi va avanyisiwa hi leswi swi nga tsariwa etibukwini, hi ku ya hi leswi va swi endleke.

Vaheveru 11:38

vona lava misava a yi nga va fanelanga! Va tsendzelekile emananga ni le tintshaveni, ni le mabakweni, ni le makheleni ya laha misaveni.

1 SAMIELE 27:1

Davhida a tiehleketa, kutani a ku: “Sawulo ú ta kala a ndzi dlaya. A ku na ndlela yin'wana, ehandle ka ku va ndzi balekela etikweni ra Vafilista; Sawulo ú ta karhala ku ndzi lava ematlhelweni hinkwawo ya tiko ra Israele; kutani mina ndzi ta va ndzi ponile emavokweni ya yena.”

1 SAMIELE 19:18

Loko Davhida a balekile, a tsutsuma a ya fika eka Samiele emutini wa Rhama, a n'wi rungulela hinkwaswo leswi Sawulo a n'wi endleke swona; kutani va suka hi vumbirhi bya vona, va ya tshama eNayoto.

Vaheveru 11:8

Hi ku pfumela, Abrahama, siku a vitaniweke ku rhurha a ya etikweni leri Xikwembu a xi n'wi tshembisile rona, ú yingisile, a rhurha a nga tivi lomu a fanelaka ku ya kona.

2 Vakorinto 11:26

Etiendzweni ta mina leto tala, ndzi lave ku dyiwa hi milambu; ndzi lave ku dlawa hi swigevenga; ndzi lave ku dlawa hi varikwerhu; ndzi lave ku dlawa hi vamatiko; ndzi lave ku dlawa ematini ni le mananga; ndzi lave ku dyiwa hi mati ya lwandle; ndzi lave ku dlawa exikarhi ka vamakwerhu va mavunwa;

Yeremiya 18:23

We HOSI, makungu ya vona ya ku ndzi dlaya, u ma tiva hinkwawo. U nga tshuki u va rivalela ku dyoha ka vona, milandzu ya vona u nga yi veki kule na wena. A va wele hansi emahlweni ka wena, u va ba wa ha hlundzukile.”