Pisalema 56:6 - BIBELE Mahungu Lamanene

⁶ Va ndzi tumbelela, va ndzi sala ndzhaku, va xiyaxiya leswi ndzi swi endlaka, hikuva makungu ya vona i ku ndzi dlaya.

Xitsonga (Bibele)

⁶ Va hlengeletana, va rindza, va xiya mikondzo ya mina, Hikuva va lava ku susa vutomi bya mina.

Pisalema 56:6 Referans Kwoze

Pisalema 71:10

hikuva valala va mina va ndzi tshama xikungu, va lava ku ndzi dlaya, va byeletelana

Pisalema 59:3

Languta we HOSI, va ndzi tumbelela va lava ku ndzi dlaya, vanhu lava va tihanyi va ndzi xiyaxiya va lwa na mina; mina a ndzi tlulanga milawu, a ndzi dyohanga nchumu,

Pisalema 140:2

Vanhu lava, va boha makungu layo biha, va le ku pfuxeni ka tinyimpi.

Luka 20:20

Hiloko va xiya nkarhi lowunene, kutani va rhuma tinhlori leti ti tiendlaka vanhu lavo lulama, leswaku ti ta n'wi phasa hi marito ya yena, kutani ti n'wi nyiketa emavokweni ya muyimeri wa vuhosi.

Matewu 27:1

Loko ri xile, vaprista hinkwavo ni vakulukumba va kanela makungu ya ku dlaya Yesu.

Matewu 26:57

Lava nga khoma Yesu va n'wi yisa eka Kayafasi Muprista lonkulu, laha vatsari ni vakulukumba a va hlengeletanile kona.

Daniele 6:4

Kutani tihosana ni valanguteri lavan'wana va lava lexi va nga hehlaka Daniele ha xona entirhweni wa yena wa mfumo, kambe a va kumanga na xin'we lexi hoxekeke, hikuva a a tirha hi ku tshembeka.

Yeremiya 20:10

Ndzi twa lava hlevetelaka va ku: “Muchavisi-matlhelo-hinkwawo, hi loyi! A hi n'wi mangaleleni eka tihosi!” Lava vulaka sweswo i vanghana va mina, hinkwavo va langutele ku wa ka mina, va ku: “Kumbexana ú ta phasiwa, kutani hi ta kota ku n'wi hlula, hi tirihisela eka yena.”

Esaya 54:15

Loko van'wana va ku pfuxela mpfilumpfilu, va ta va va nga rhumiwanga hi mina, lava lwaka na wena, u ta va hlula.

Pisalema 89:51

We HOSI, valala va wena va hlekula ni ku monya mintirho ya munhu loyi u n'wi hlawuleke.

Pisalema 57:6

Valala va mina va ndzi rhiyele ntlhamu, kambe ndzi wu wachukisile! Endleleni ya mina va cerile khele, kambe lava nga wela eka rona hi vona vinyi!

Pisalema 37:32

Munhu wo homboloka ú xiyaxiya lowo lulama, a lava ndlela ya ku n'wi dlaya;

Ntirho 31:4

Xana Xikwembu a xi voni tindlela ta mina, magoza ya mina, a xi ma hlayeli xana?

Ntirho 14:16

A wu ta hlaya magoza ya mina, kambe swidyoho swa mina a wu ta tshika ku swi languta.

Ntirho 16:10

Vanhu va ndzi monya, va ndzi lumbeta, va hlengeletana, va ndzi makala.

Swivuriso 24:15

U nga yi u ya tumbelela munhu wo lulama laha a tshamaka kona, muti wa yena, u nga tshuki u wu hlasela,