Pisalema 55:22 - BIBELE Mahungu Lamanene

²² Andlala timhaka ta wena emahlweni ka HOSI Xikwembu, kutani xona xi ta ku seketela; xi nga ka xi nga pfumeli leswaku lowo lulama a tsekatsekisiwa, ni siku ni rin'we.

Xitsonga (Bibele)

²² Nyiketa Yehovha timhaka ta wena, u ta ku seketela; A nga ka a nga pfumeli ni siku ni rin'we leswaku la lulameke a tsekatsekisiwa.

Pisalema 55:22 Referans Kwoze

1 Petro 5:7

Rhulani ku karhateka hinkwako ka n'wina eka xona, hikuva xi tikarhatela n'wina.

Pisalema 37:5

Andlala makungu ya wena emahlweni ka HOSI Xikwembu, xi tshembe, kutani xona xi ta tirha.

Matewu 6:25

“Hikokwalaho ndzi nge ka n'wina: Mi nga tshuki mi vilela hi swa vutomi bya n'wina leswaku mi ta dya yini kumbe mi ta nwa yini, hambi ku ri ku vilela hi swa miri wa n'wina leswaku mi ta ambala yini. Xana vutomi a byi tluri swakudya ke? Na wona miri a wu tluri swiambalo ke?

Pisalema 62:6

Hi xona ntsena xi nga ribye ra mina, khokholo ra mina ni muponisi wanga. Ku hava munhu loyi a nga ndzi susaka.

Pisalema 16:8

Minkarhi hinkwayo, ndzi rhangisa HOSI emahlweni ka mina; ndzi nga ka ndzi nga tsekatseki, hikuva yi le vokweni ra mina ra xinene.

Pisalema 37:24

Loko o tshuka a wile, a nge etleleli makumu, HOSI Xikwembu xi ta n'wi khoma hi voko, xi n'wi pfuxa.

Pisalema 27:14

Tshemba HOSI, u tiya nhlana; u nga tsekatseki, ina tshemba HOSI!

Pisalema 62:2

Hi xona ntsena xi nga ribye ra mina, khokholo ra mina ni muponisi wanga. Ku hava munhu na un'we la nga ndzi susaka.

Pisalema 62:8

N'wina vanhu, tshembani Xikwembu minkarhi hinkwayo, xi tiviseni leswi nga timbilwini ta n'wina, hikuva hi xona ribye ra vutumbelo bya hina.

Matewu 11:28

“Tanani ka mina, n'wina hinkwenu lava karheleke, ni lava tikeriwaka, ndzi ta mi wisisa.

Pisalema 63:8

Ndzi namarhela wena hi mbilu ya mina hinkwayo, hikuva voko ra wena ra matimba ra ndzi hlayisa.

1 SAMIELE 2:9

HOSI yi ta hlayisa vutomi bya lava va yi tshembaka, kambe lavo biha va ta nyamalala emunyameni, hikuva munhu a nga ka a nga khani hi matimba ya yena.

Pisalema 121:3

Muhlayisi wa wena a nge khudzeheri, a nge pfumeri leswaku u rheta u wa.

Esaya 50:10

Hinkwenu n'wina lava chavaka HOSI Xikwembu, lava yingisaka swileriso swa mina nandza wa xona hambiloko mi famba lomu ko chavisa, laha ku nga ni makhombo, tiyiselani eka HOSI Xikwembu xa n'wina, mi tshemba xona ntsena.

Luka 12:22

Kutani Yesu a ku ka vadyondzisiwa: “Hikokwalaho ndzi nge ka n'wina: Mi nga tshuki mi vilela hi swa vutomi bya n'wina leswaku mi ta dya yini, hambi ku ri ku vilela hi swa miri leswaku mi ta ambala yini.

1 Petro 1:5

n'wina lava mi pfumeleke, kutani mi hlayisiwa hi matimba ya Xikwembu, leswaku mi ta kuma ku ponisiwa loku yimeleke ku kombisiwa enkarhini wa makumu.

Pisalema 12:3

We HOSI, va tseme milomo vakanganyisi lava hinkwavo, vona lava tikukumuxaka ngopfu,

Pisalema 64:4

Va tumbelela vanhu lava nga riki na nandzu, va hatla va va copa va nga kanakani.

Yeremiya 9:7

Hikokwalaho HOSI ya matimba hinkwawo yi vurisa sweswo yi ri: “Ndzi ta kambela vanhu va mina ndzi va basisa hi ndzilo, hikuva ku hava swin'wana leswi ndzi nga va endlaka swona.