Pisalema 55:10 - BIBELE Mahungu Lamanene

¹⁰ Ndzi vona tinyimpi ni madzolonga emutini, vusiku ni nhlekanhi swi rhendzeleka hi rirhangu ra wona, endzeni ka wona ku ni maxangu ni ku karhateka.

Xitsonga (Bibele)

¹⁰ Nhlekanhi ni vusiku swi tshama swi hiteka emakhokholweni ya wona; Ku homboloka ni ku xaniseka swi tshama exikarhi ka wona.

Pisalema 55:10 Referans Kwoze

Ezekiele 9:4

HOSI Xikwembu xi ku ka yena: “Emutini wa Yerusalema, ku ni vanhu lava twaka ku vava, lava rilaka loko va vona manyala hinkwawo lama endliwaka emutini; kutani wena, rhendzeleka ni muti, u va fungha emimombyeni.”

Timhaka 9:24

Kambe yena a tivisiwa makungu ya vona. A va n'wi tumbelerile tinyangweni ta muti, vusiku ni nhlekanhi, leswaku va ta n'wi dlaya;

Yohane 18:28

Kutani va suka na Yesu eka Kayafasi, va n'wi yisa endlwini ya vuhosi. A wa ha ri mpundzu swinene; vona hi voxe a va nghenanga ndlwini ya vuhosi, ku endlela leswaku va nga tinyamisi, va ta kota ku dya nkhuvo wa Paseka.

Yohane 18:3

Yudasi a teka ntlawa wa masocha, ni malandza lama rhumiweke hi vaprista lavakulu ni Vafarisi, va ta ni timboni, ni swisana, ni matlhari.

Hosiya 7:6

Timbilu ta vona ti fana ni ndzilo exitikweni, ti tshineta vukanganyisi kusuhi. Vusiku hinkwabyo vukari bya vona byi vuvumela kunene, kambe nimpundzu byi huma malangavi lamakulu.

Pisalema 59:6

Masiku hinkwawo va vuya nimadyambu va ri karhi va vukula kukota timbyana, va rhendzeleka hi muti.

1 SAMIELE 19:11

Kutani Sawulo a rhumela vanhu ekaya ka Davhida va ya n'wi rindza, leswaku a ta dlawa loko ri xile. Kambe Mikala a ku ka nuna wa yena Davhida: “Loko u nga tsutsumi vusiku byebyi, u tiponisa, mundzuku va ta ku dlaya.”

2 SAMIELE 15:31

Hosi Davhida a twa leswaku Ahitofele ú le xikarhi ka ntlawa wa Abixalomu lowu hlungaka vuhosi, kutani a khongela HOSI Xikwembu, a ku: “We HOSI, endla leswaku switsundzuxo leswi nga ta huma eka Ahitofele, swi hundzuka swa hava.”

Pisalema 58:3

Lavo homboloka va dyohile va ha ku velekiwa, vahembi valavo va lahlekile ku sukela evuhlangini bya vona.

Habakuku 1:3

Hikwalaho ka yini u ndzi komba mahlori layo tano ke? Xana maxangu ya kona u nga ma languta ntsena xana? Vanhu va onhaka ni ku xanisana emahlweni ka mina; va tengisana etihubyeni, va pfuxa timholovo.