Pisalema 54:6 - BIBELE Mahungu Lamanene

⁶ Ndzi ta ku humesela magandzelo hi ku titwa; we HOSI, ndzi ta dzunisa vito ra wena, hikuva u lulamile.

Xitsonga (Bibele)

⁶ Ndzi ta ku humesela magandzelo hi ku rhandza ka mina; Ndzi ta twarisa vito ra wena, Yehovha, hikuva ri nene,

Pisalema 54:6 Referans Kwoze

Pisalema 52:9

Ndzi ta ku nkhensa hilaha ku nga heriki we Xikwembu, hikuva u tirhile. Ndzi ta twarisa vito ra wena, hikuva ri lulamile emahlweni ka lava va ku khongelaka.

Pisalema 147:1

Dzunisani HOSI! Ku dzunisa Xikwembu xa hina hi risimu a hi ku saseka! Swa tsakisa ku xi twarisa hilaha swi fanelaka hakona.

Pisalema 7:17

Ndzi ta tlangela HOSI hikwalaho ka ku lulama ka yona, ndzi yimbelela ndzi dzunisa vito ra HOSI, xona Xikwembu-xa-le-henhla-henhla.

Pisalema 140:13

Ina, lavo lulama va ta twarisa vito ra wena, va ta tshama na wena minkarhi hinkwayo.

Pisalema 107:22

A va xi tlangele hi ku humesa magandzelo, va twarisa swiendlo swa xona hi minkulungwana.

Pisalema 116:17

Hikokwalaho ndzi ta ku humesela magandzelo ya ku nkhensa, ndzi khongela wena.

Pisalema 92:1

We HOSI, a hi ku tsakisa ka swona ku ku nkhensa ni ku twarisa vito ra wena hi tinsimu, wena la nge henhla-henhla;

Pisalema 21:13

We Hosi komba matimba ya wena, leswaku hi ta yimbelela, hi tlangela vunhenha bya wena.

Pisalema 50:14

Ndzi humeseleni magandzelo ya ku nkhensa, hi hetisisa leswi mi tiboheke ku ndzi endlela swona, mina la nge henhla-henhla.

Pisalema 118:7

HOSI Xikwembu xi yima na mina, xi ndzi nyika vapfuni, ndzi ta vona ku hluriwa ka lava va ndzi vengaka.

Esaya 50:7

A ndzi kalanga ndzi hela ntamu, hikuva HOSI N'wini wa hinkwaswo wa ndzi pfuna, ndzi yimile ndzi ku, tsétsérhèlè! Ndza swi tiva leswaku ndzi nge khomiwi hi tingana ni siku ni rin'we,

Esaya 50:9

HOSI N'wini wa hinkwaswo, hi yena la ndzi pfunaka hi xiviri xa yena, hikokwalaho i mani la nga vulaka leswaku ndzi ni nandzu, xana? Vonani, hinkwavo lava va ndzi lumbetaka va ta hela matimba, va ta nyamalala ku fana ni xiambalo lexi dyeke hi tinsumba.