Pisalema 54:4 - BIBELE Mahungu Lamanene

⁴ Xikwembu i mulweri wa mina, N'wini wa hinkwaswo hi yena la tameleke vutomi bya mina,

Xitsonga (Bibele)

⁴ Vonani, Xikwembu i mupfuni wa nga, Hosi yi le xikarhi ka lava seketelaka moya wa mina.

Pisalema 54:4 Referans Kwoze

Vaheveru 13:6

Hikokwalaho hi nga vula hi tiyile, hi ku: “Hosi i mupfuni wa mina, a ndzi nga chavi nchumu; munhu a nga ndzi endla yini xana?”

Esaya 41:10

Mi nga chavi, hikuva ndzi na n'wina, mi nga rhurhumeli, hikuva ndzi Xikwembu xa n'wina; ndzi ta mi tiyisa, ndzi mi pfuna, ndzi mi hlulela valala hi voko ra mina.

Pisalema 118:13

A va lava ku ndzi wisela hansi va ndzi kandziyela, kambe HOSI Xikwembu xi ndzi lamulerile.

Varhoma 8:31

Loko swi ri tano, xana hi nga ha vula yini etimhakeni teto ke? Loko Xikwembu xi yima na hina, i mani la nga lwaka na hina xana?

Esaya 42:1

HOSI Xikwembu xi ri: “Vonani nandza wa mina loyi ndzi n'wi seketelaka, muhlawuriwa wa mina loyi ndzi n'wi tsakelaka ngopfu; ndzi cherile Moya wa mina ehenhla ka yena, kutani ú ta tisa ku lulama ematikweni.

1 TIKRONIKA 12:18

Hiloko Amasayi, un'wana wa varhangeri va tinhenha ta 30, a ngheniwa hi Moya, kutani a ku: “We Davhida, hi vanhu va wena, hi yima na wena, we n'wana Yese. Ku rhula a ku ve etikweni ra wena, ni ka hinkwavo lava va ku seketelaka, hikuva Xikwembu xa wena xa ku pfuna!” Kutani Davhida a va amukela, a va endla varhangeri va mavuthu ya yena.

Pisalema 41:12

U ta ndzi seketela, hikuva a ndzi na nandzu, kutani u ta ndzi hlayisa kusuhi na wena hilaha ku nga heriki.

Pisalema 17:1

We HOSI, twana ntiyiso wa mhaka, rhiya ndleve, u twa xirilo xa mina; yingisa xikhongelo xa mina, hikuva xi huma enon'weni lowu nga riki na vuxisi.