Pisalema 53:6 - BIBELE Mahungu Lamanene

⁶ Xana i mani munhu wo huma eSiyoni la nga ta ponisa Israele xana? Siku Xikwembu xi nga ta tlhela xi katekisa vanhu va xona, va ka Yakobo va ta ba minkulungwana, Vaisraele va ta tsaka ngopfu.

Xitsonga (Bibele)

⁶ Aa! Ku kutsula ka Israele ku ta pfa rini eSiyoni xana? Siku Xikwembu xi nga ta tlherisa vabohiwa va tiko ra xona, Yakobo u ta khana, Israele u ta tsaka.

Pisalema 53:6 Referans Kwoze

Pisalema 14:7

Xana i mani munhu wo huma eSiyoni la nga ta ponisa Israele xana? Siku HOSI Xikwembu xi nga ta tlhela xi katekisa vanhu va xona, va ka Yakobo va ta ba minkulungwana, Vaisraele va ta tsaka ngopfu.

Yeremiya 30:18

HOSI Xikwembu xi vurisa sweswo xi ri: “Ndzi ta tlhela ndzi katekisa mindyangu ya va ka Yakobo, miti ya vona ndzi ta yi twela vusiwana; muti wa Yerusalema wu ta tlhela wu akiwa exintshabyanini xa wona, na tona tindlu ta le ntsindza ti ta tlhela ti akiwa lomu a ti ri kona khale.

Esaya 12:6

Banani minkulungwana, mi tsaka, n'wina vaaki va Siyoni, hikuva Xikwembu lexikulu, xona Muhlawuleki wa Israele, xi tshama exikarhi ka n'wina.”

Esaya 14:32

Lava nga ta rhumiwa hi Vafilista, va ta hlamuriwa yini xana. “HOSI Xikwembu hi xona xi simekeke muti wa Siyoni, vanhu va xona lava xanisekaka, va ta tsutsuma va ya tumbela eka wona.”

Pisalema 85:1

We HOSI, u vile ni tintswalo eka vanhu va wena, u vuyisile va ka Yakobo lava a va ri evukhumbini.

Nehemiya 12:43

Kutani siku rero vanhu va humesa magandzelo layo tala, va tsaka swinene hikuva Xikwembu a xi va nyikile ntsako lowukulu. Vavasati ni vana, na vona a va tsakile swinene. Huwa ya ntsako lowu a wu ri kona eYerusalema a yi fika ekule swinene.

Amosi 9:14

Ndzi ta tlhela ndzi katekisa vanhu va mina va Israele, va ta pfuxa marhumbi ya miti ya vona, va tshama eka yona. Va ta byala tivhinya, va nwa vhinyo ya kona, va ta rima mintanga, va dya ntshovelo wa yona.

Yuwele 3:1

“Swi tiveni! Loko masiku ma fika, enkarhini lowu ndzi nga ta pfuxa tiko ra Yuda ni muti wa Yerusalema,

Yeremiya 31:23

HOSI ya matimba hinkwawo Xikwembu xa Israele xi vurisa sweswo xi ri: “Siku ndzi nga ta tlhela ndzi katekisa tiko ra Yuda ni miti ya kona, vaaki va kona va ta tlhela va tirhisa marito lawa ya nge: “ ‘HOSI a yi ku katekise wena muti wa Xikwembu xo lulama, wena ntshava ya Muhlawuleki!’

Pisalema 50:2

Xikwembu xi komba ku vonakala ka xona lokukulu, xi ri emutini wo saseka ngopfu wa Siyoni.

Ntirho 42:10

Loko Yobo a hetile ku khongelela vanghana va yena, HOSI Xikwembu xi n'wi tlherisela rifuwo ra yena, ri tlula kambirhi leswi a a ri na swona eku sunguleni.

Ezra 3:11

kutani va yimbelela va ri karhi va hlavelelana, va dzunisa HOSI Xikwembu ni ku xi nkhensa, va ku: “HOSI Xikwembu xi lulamile, hikuva tintswalo ta xona eka Vaisraele hi leti nga heriki.” Vanhu hinkwavo va tlakusa rito va dzunisa HOSI Xikwembu hikwalaho ka masungulo lama endliweke ya yindlu ya xona.

Levhitika 26:17

Ndzi ta mi tshika, kutani valala va n'wina va ta mi hlula; mi ta fumiwa hi vanhu lava va nga mi tsakeriki, mi ta tshama mi ri eku tsutsumeni mi nga hlongorisiwi hi munhu.

Levhitika 26:36

Lava va nga ta va va ponile exikarhi ka n'wina, ndzi ta endla leswaku va tshama va ri ku chaveni kwale matikweni ya valala va n'wina. Loko va twa xo chakala, va ta suka va tsutsuma wonge vo va eku hlongorisiweni, va wa va nga hlongorisiwi hi munhu.

Swivuriso 28:1

Lowo homboloka, ú tsutsuma hambiloko a nga hlongorisiwi hi munhu, kasi lavo lulama, a va chavi nchumu, va fana ni nghala.