Pisalema 53:5 - BIBELE Mahungu Lamanene

⁵ Hi lavaya, va sungula ku rhurhumela hi ku chava, kasi a ku na nchumu xo chavisa. Xikwembu xi ta hangalasa lava taka va ta ku hlasela; kutani wena u ta va khomisa tingana, hikuva Xikwembu xi ta va xi va fularherile.

Xitsonga (Bibele)

⁵ Va ta rhurhumela hi ku chava, Laha ku nga riki na mhaka ya ku chava; Hikuva Xikwembu xi ta hangalasa marhambu ya lava ku rhendzelaka; U ta va khomisa tingana, hikuva Xikwembu xi va cukumetile.

Pisalema 53:5 Referans Kwoze

Swivuriso 28:1

Lowo homboloka, ú tsutsuma hambiloko a nga hlongorisiwi hi munhu, kasi lavo lulama, a va chavi nchumu, va fana ni nghala.

Levhitika 26:36

Lava va nga ta va va ponile exikarhi ka n'wina, ndzi ta endla leswaku va tshama va ri ku chaveni kwale matikweni ya valala va n'wina. Loko va twa xo chakala, va ta suka va tsutsuma wonge vo va eku hlongorisiweni, va wa va nga hlongorisiwi hi munhu.

Levhitika 26:17

Ndzi ta mi tshika, kutani valala va n'wina va ta mi hlula; mi ta fumiwa hi vanhu lava va nga mi tsakeriki, mi ta tshama mi ri eku tsutsumeni mi nga hlongorisiwi hi munhu.

Ezekiele 6:5

Mintsumbu ya n'wina Vaisraele ndzi ta yi cukumeta emahlweni ka swikwembu leswi swa hava, ndzi ta sala ndzi hangalasa ni marhambu ya kona kusuhi ni tialitari ta n'wina.

Yeremiya 6:30

Vanhu va mina va ta vuriwa silivhere ya thyaka, leyi cukumetiweke, hikuva mina HOSI ndzi va cukumetile.”

Pisalema 141:7

Marhambu ya vona ma ta hangalasiwa enyangweni ya xivandla xa vafi kukota ribye ra ku sila leri cukumetiwaka ehansi ri fayeka.

1 SAMIELE 14:15

Vafilista lava a va ri emixaxeni ni le rivaleni, ni lavan'wana hinkwavo, va khomiwa hi ku chava lokukulu; hambi va ri va mintlawa ya varindzi ni ya vahlaseri, va rhurhumela hi ku chava. Misava na yona a yi tsekatseka, kutani ku chava ka vona ku ya ku engeteleka.

Pisalema 73:20

Loko u fika, we N'wini wa hinkwaswo, va lahlekeriwa hi ndzhuti, va hangalaka kukota norho nimixo.

Pisalema 40:14

Lava ringetaka ku ndzi khoma va ndzi dlaya, va nyumise hinkwavo u va khomisa tingana; lava tsakaka loko ndzi ri ekhombyeni, va tlherise u va tsongahata.

Pisalema 35:26

Lava tsakaka loko ndzi ri ekhombyeni, hinkwavo a va hlanganisiwe tinhloko; a va khomiwe hi tingana va nyumisiwa, vona lava tikurisaka emahlweni ka mina.

Pisalema 35:4

Lava ringetaka ku ndzi dlaya, a va nyumisiwe va tsongahatiwa; a va tlherisiwe va khomiwa hi tingana, lava va ndzi tshamaka xikungu.

Pisalema 14:5

Hi lavaya, va sungula ku rhurhumela hi ku chava, hikuva Xikwembu xi yima ni ntlawa wa lavo lulama.

Pisalema 2:4

Kambe loyi a tshameke ematilweni wa hleka, N'wini wa hinkwaswo wa va hlekula,

Swirilo 2:6

Ú hahlurile Tempele ya yena, onge i dladla ra le ntangeni; ndhawu leyi a a gandzeleriwa eka yona, ú yi siyile yi fana ni rhumbi; HOSI Xikwembu xi endlile leswaku va le Siyoni va rivala minkhuvo ya xona ni masiku ya Savata; eku hlundzukeni ka xona lokukulu, xi dlidlimbetile tihosi ni vaprista.

Ntirho 15:21

ú ta twa mpfumawulo wo chavisa; loko a ha tshamisekile, vahlaseri va ta n'wi juma.

Yeremiya 49:15

HOSI Xikwembu xi ri: “We Edomu, ndzi ta ku tsongahata exikarhi ka matiko, vanhu va ta ku langutela hansi.