Pisalema 53:4 - BIBELE Mahungu Lamanene

⁴ Xikwembu xa vutisa xi ri: “Lava endlaka leswo biha, xana vo ka va nga ri na mano, leswi va mitetelaka vanhu va mina ku fana ni loko va dya vuswa, va ala ni ku ndzi gandzela mina Xikwembu, xana?”

Xitsonga (Bibele)

⁴ Xana a va na ku twisisa, lava endlaka leswo biha? Lava dyaka tiko ranga kukotisa loko ingi byi ri vuswa, Lava nga khongeliki Xikwembu.

Pisalema 53:4 Referans Kwoze

Yeremiya 4:22

HOSI Xikwembu xi ri: “Vanhu va mina i swiphukuphuku, ni ku ndzi tiva a va ndzi tivi. I maphuphula kunene, a va twisisi nchumu. Ku endla leswinene, a va swi lavi, kambe emintirhweni leyo biha, va thwasile!”

Yeremiya 10:25

Chululela vukari bya wena ehenhla ka vanhu lava nga ku tiviki, va nga lava va nga ku khongeriki, hikuva va hlaserile va ka Yakobo, va phangha swilo swa vona hinkwaswo, tiko ra vona ri hundzuka mananga.

Pisalema 27:2

Loko vanhu lavo homboloka va ndzi tela va ri ni makungu ya ku ndzi dlaya, ndzi vula vona valala va mina, hi vona va nga ta dlayiwa va fa.

Nhlavutelo 17:16

Timhondzo ta khume leti u ti voneke, tona swin'we ni xivandzana, swi ta venga vansati loyi wa muoswi, swi ta endla leswaku a swela ni ku sala a nga ambalanga nchumu, swi dya nyama ya yena, swi n'wi hisa hi ndzilo.

Esaya 27:11

Loko marhavi ya kona ma ta va ma omile, ma ta tshoveka ma wa, kutani vavasati va ta tshivela ndzilo ha wona. Vanhu lava a va twisisi, hikokwalaho muendli wa vona a nge va tweli vusiwana, a nga ka a nga va tsetseleli, muvumbi wa vona.

Pisalema 94:8

N'wina vanhu vo pfumala tindleve, yingisani; mintlunya ndzin'wina, xana mi ta tlhariha rini xana?