Pisalema 53:2 - BIBELE Mahungu Lamanene

² Xikwembu xi languta vanhu xi ri etilweni, ku vona loko ku nga va ni lava va twisisaka, lava va xi lavaka,

Xitsonga (Bibele)

² Yehovha u langutisa vana va vanhu a ri ematilweni, Ku vona loko ingi a ri kona la nga ni ku twisisa, La lavaka Xikwembu.

Pisalema 53:2 Referans Kwoze

Esaya 55:6

Lavani HOSI Xikwembu loko xa ha kumeka, xi vitaneni loko xa ha ri kusuhi.

2 TIKRONIKA 15:2

kutani a huma emutini wa yena, a ya hlangana na Asa, a ku ka yena: “Wena Asa, na n'wina hinkwenu va ka Yuda ni va ka Benjamini, yingisani! HOSI Xikwembu xi ta tshama na n'wina, loko n'wina mi tshama na xona; loko mi xi lava hi mbilu, xona xi ta nkhensa ku tikomba eka n'wina. Kambe loko mi xi fularhela, na xona xi ta mi fularhela.

Pisalema 111:10

Masungulo ya vutlhari i ku chava HOSI Xikwembu, hinkwavo lava endlaka sweswo va ni ku twisisa. Ku dzuneka ka HOSI a ku na ku hela!

Yeremiya 23:24

Ku hava ndhawu leyi munhu a nga tumbelaka eka yona leswaku ndzi nga n'wi voni, hikuva hinkwako ematilweni ni la misaveni, ndzi kona. Ndzi vula sweswo mina HOSI.

Pisalema 27:8

Hi wena u vuleke u ku: “Ndzi laveni!” Hikokwalaho ndzi vula sweswo ndzi ri: Ndzi le ku ku laveni, we HOSI,

2 TIKRONIKA 19:3

Hambiswiritano ku ni leswo saseka leswi u swi endleke: U susile timhandze ta vugandzeri bya Axera etikweni ra Yuda, kutani u tirherile HOSI Xikwembu hi mbilu ya wena hinkwayo.”

Yeremiya 16:17

Hinkwaswo leswi Vaisraele va swi endlaka ndza swi vona, ku hava lexi va nga ndzi tumbetelaka xona, ni swidyoho swa vona swi le rivaleni emahlweni ka mina.

Pisalema 102:19

Xi langutile ehansi xi ri exivandleni xa xona lexo hlawuleka, xi vonile misava xi ri ematilweni,

Pisalema 11:4

HOSI yi le ndlwini ya yona leyo hlawuleka, xitshamu xa yona xa vuhosi xi le matilweni. Mahlo ya yona ma languta vanhu, hi ku copeta ka tihlo, yi va kambela.

Pisalema 10:4

Eku tikuriseni ka yena, lowo homboloka a nga ehleketi ku lava HOSI; miehleketo ya yena hinkwayo yi ri: “Xikwembu a xi kona!”

Ntirho 28:28

Kutani xi vulavula na vanhu xi ku: “Ku chava N'wini wa hinkwaswo, hi byona vutlhari; ku hambana ni leswo biha hi kona ku twisisa!”

1 TIKRONIKA 28:9

“Na wena Solomoni n'wananga, amukela Xikwembu xa vatata wa wena, u xi tirhela hi mbilu ya wena hinkwayo, ni moya lowunene, hikuva HOSI Xikwembu xi kambela timbilu hinkwato, xi hatla xi vona makungu ni miehleketo ya munhu. Xi ta tsakela ku kumiwa hi wena loko u xi lava, kambe loko u xi fularhela, xi ta ku cukumetela makumu.

Duteronoma 4:6

Hlayisani milawu ni swiletelo leswi, hikuva loko mi endla tano, vanhu va tinxaka timbe va ta vona vutlhari ni ku twisisa ka n'wina, kutani loko va twa milawu leyi hinkwayo, va ta ku: ‘Mawaku lava nga ni vutlhari ni ku twisisa ku fana ni rixaka lerikulu leri.’