Pisalema 53:1 - BIBELE Mahungu Lamanene

¹ Embilwini ya xona, xiphukuphuku xi ri: “Xikwembu a xi kona!” Vanhu va onhakile, va endla leswo homboloka ntsena, ku hava na un'we la endlaka leswinene.

Xitsonga (Bibele)

¹ Xihunguki xi ku embilwini ya xona: “A ku na Xikwembu!” Va borile va hundzuluxe ku biha ka vona manyala; A ku na un'we la endlaka leswinene.

Pisalema 53:1 Referans Kwoze

Pisalema 10:4

Eku tikuriseni ka yena, lowo homboloka a nga ehleketi ku lava HOSI; miehleketo ya yena hinkwayo yi ri: “Xikwembu a xi kona!”

Varhoma 1:28

Kutani leswi vanhu lava va nga lavangiki ku tiva nchumu hi tlhelo ra Xikwembu, Xikwembu xi va nyiketile emiehleketweni leyi nga lavekiki, va ko va endla ni leswi nga fanelangiki.

Luka 12:20

Kambe Xikwembu xi ku ka yena: ‘Wee xihunguki! Hi vusiku byebyi, u ta tekeriwa moya wa wena; kutani leswi u swi lunghiseke swi ta va swa mani xana?’ ”

Ntirho 15:16

Hikokwalaho, munhu wo homboloka wo bola miehleketo, loyi eka yena ku dyoha ku fanaka ni ku nwa mati, a nge pfuki a va la lulameke!

1 TIHOSI 14:24

Va swi engetela hi ku pfumelela vunghwavava bya le magandzelweni ya swa hava etikweni, va hanya hi ku endla manyala hinkwawo ya vamatiko lava hlongoriweke hi HOSI Xikwembu, loko Vaisraele va nghena etikweni.

1 Petro 4:3

Tshikani ku endla leswi tsakeriwaka hi vamatiko, hikuva swi ringene loko mi swi endlile eminkarhini leyi hundzeke. Khale a mi hanya hi ku endla swa manyala, hi ku navela ku titsakisa, hi ku pyopyiwa, ni makolo, ni ku va swilovekelo, ni ku gandzela swikwembu swa hava leswi nga lavekiki.

Vaefesa 5:12

hikuva hambi ku ri ku vula ntsena leswi va swi endlaka exihundleni, swi khomisa tingana.

Matewu 5:22

Kambe mina ndzi ri ka n'wina: Un'wana ni un'wana la hlundzukelaka makwavo, ú ta fanela ku avanyisiwa; loyi a nge ka makwavo: ‘U xiphukuphuku!’ ú fanele ku yisiwa eka muavanyisi; la nge ka yena: ‘Xihunguki ndziwena!’ ú fanele hi ndzilo wa Tihele.

Pisalema 10:13

Lowo homboloka ú sandzela yini Xikwembu, ú vulela yini hi mbilu, a ku: “Xi nga ka xi nga ndzi vutisi nchumu,” xana?

Pisalema 10:11

Hi mbilu, ú ri: “Xikwembu a xi na mhaka, a xi languti, xi nga ka xi nga swi voni.”

Pisalema 10:6

Hi mbilu, ú ri: “A ku na lexi xi nga ta ndzi wisa; khombo ri nga ka ri nga ndzi weli, ni siku ni rin'we.”

Ntirho 14:4

I mani la nga humesaka swilo leswo tenga eka leswi nga tengangiki xana? Ku hava na un'we!

1 TIHOSI 12:26

Kavaloko Yerobuwamu a tiehleketa a ku: “Leswi timhaka ti nga yima hi ndlela leyi, vuhosi byi nga tshuka byi tlhelela erixakeni ra Davhida.

Duteronoma 12:31

HOSI Xikwembu xa n'wina, mi nga tshuki mi xi gandzela hi mukhuva lowu vanhu lava va gandzelaka ha wona; hikuva hinkwaswo leswi va swi endlelaka swikwembu swa vona, HOSI Xikwembu xa swi nyenya xi tlhela xi swi venga: Vanhu lava va hisa ni vana va vona va xinuna ni va xisati, va hisela swikwembu swa vona!

Varhoma 1:21

Hambiloko va tivile Xikwembu, a va xi dzunisanga va ku i Xikwembu, a va xi nkhensanga; kambe va anakanyile leswo ka swi nga pfuni nchumu, ni timbilu ta vona leti nga riki na ku twisisa ti nyamisiwile.

Ezekiele 16:51

Loko swi ri swidyoho swa Samariya swona, a swi endli hafu ya swidyoho swa wena. Wena u endlile swilo swo tala swa manyala ku tlula vamakwenu, kutani va vonaka va lulamile loko va ringanisiwa na wena, hikuva manyala lawa u ma endleke, ma tele ngopfu.

Ezekiele 16:47

A wu kolwanga hi manyala lawa miti ya kona yi hanyeke ha wona, kambe hi nkarhinyana wo koma u endlile leswo homboloka ku tlula yona, emintirhweni ya wena hinkwayo.

Pisalema 92:6

Mhaka leyi, mintlunya a yi nga yi tivi, ni swiphunta a swi nga yi twisisi.

Pisalema 88:1

We HOSI, Xikwembu xanga ni muponisi wanga, vusiku ni nhlekanhi ndzi huwelela ka wena ndzi kombela ku pfuniwa.