Pisalema 51:9 - BIBELE Mahungu Lamanene

⁹ Swidyoho swa mina u nga ha swi languti, susa ku homboloka ka mina hinkwako.

Xitsonga (Bibele)

⁹ Tshika ku languta swidyoho swa mina, U hlangula ku homboloka ka mina hinkwako.

Pisalema 51:9 Referans Kwoze

Yeremiya 16:17

Hinkwaswo leswi Vaisraele va swi endlaka ndza swi vona, ku hava lexi va nga ndzi tumbetelaka xona, ni swidyoho swa vona swi le rivaleni emahlweni ka mina.

Vakolosa 2:14

xi herisa tsalwa leri khale a ri hi veka nandzu, ri hi mangalela hi milawu ya rona, kutani xi ri susele etlhelo, xi ri belela exihambanweni.

Esaya 38:17

Ku xaniseka loku ndzi veke na kona ku ndzi pfunile swinene; hi wena u endleke leswaku vutomi bya mina byi nga ngheni ekheleni lera tihanyi; u ndzi rivalerile ni swidyoho swa mina hinkwaswo.

Pisalema 51:1

We Xikwembu, ndzi twele vusiwana hikwalaho ka rirhandzu ra wena; susa milandzu ya mina, hikwalaho ka tintswalo ta wena letikulu.

Tinhlayo 19:18

Kutani munhu loyi a tengeke ú ta lava rhavi ra ximudyana xa hisopa, a ri peta ematini lawa, a xuva ntsonga ni swingolongondzwana, a xuva ni vanhu lava a va ri kwala ndzeni ka ntsonga. Loko munhu a khumbile rhambu ra munhu wo fa, kumbe ntsumbu wa loyi a dlayiweke kumbe loyi a ngo lo tifela, ni loko a khumbile sirha, na yena ú ta xuviwa hi ndlela yoleyo.

Ntirho 9:30

Hambiloko ndzi nga hlamba hi mati layo tenga, ndzi basisa mavoko ya mina hi xisibi,

Esaya 1:18

HOSI Xikwembu xi ri: “Tanani hi kanela mhaka swin'we: Hambiloko swidyoho swa n'wina swi mi tshwukisile mi fana ni xivunguvungu, ndzi ta mi basisa, mi fana ni gamboko; ni loko swi mi tshwukisile mi fana ni ngati, ndzi ta mi basisa mi fana ni voya lebyi basisiweke bya tinyimpfu.

Ezekiele 36:25

Ndzi ta mi xuva hi mati layo tenga, kutani thyaka leri mi nga tivangela rona hi ku gandzela swikwembu swa n'wina swa hava, ndzi ta ri susa hinkwaro.