Pisalema 51:14 - BIBELE Mahungu Lamanene

¹⁴ We Xikwembu, wena Muponisi wanga, ndzi humese enandzwini wa ngati leyi halatiweke, kutani ndzi ta yimbelela ndzi ku twarisa, wena Mukutsuri.

Xitsonga (Bibele)

¹⁴ Oho Xikwembu, Xikwembu xa ku hlayiseka ka mina! Ndzi kutsule ka ngati leyi halatiweke, Kutani ririmi ra mina ri ta twarisa ku lulama ka wena.

Pisalema 51:14 Referans Kwoze

Pisalema 35:28

Kutani ndzi ta yimbelela ndzi twarisa ku lulama ka wena, ndzi ta ku tlangela masiku hinkwawo.

2 SAMIELE 12:9

Xana u solela yini rito ra mina HOSI, u endla leswo biha emahlweni ka mina, xana? U dlayisile Uriya lowa Muhiti hi fumu ra Vaamoni enyimpini, leswaku u ta teka nsati wa yena a va nsati wa wena.

Varhoma 10:3

hikuva leswi va nga tivangiki ku lulama loku nyikiwaka hi Xikwembu, kutani va lavaka ku lulama loku va tiendlelaka hi voxe, a va tivekanga ehansi ka ku lulama loku nyikiwaka hi Xikwembu.

Hosiya 4:2

Va rhuketelana ni ku xisana ni ku dlayana, va yivelana ni ku hahlulelana mindyangu; va tlula milawu hinkwayo; minkarhi hinkwayo va le ku halateni ka ngati.

Pisalema 26:9

U nga ndzi herisi swin'we ni vadyohi, u nga ndzi katsi ni vanhu lava tsakelaka ngopfu ku halata ngati,

Genesa 9:6

“Un'wana ni un'wana loyi a halataka ngati ya munhu, ni ya yena ngati yi ta halatiwa hi munhu, hikuva Xikwembu xi endlile munhu hi xifaniso xa xona.

Timhaka 20:26

Hikokwalaho, namuntlha, ndzi tiyisa emahlweni ka n'wina leswaku a ndzi nga vi na nandzu loko un'wana wa n'wina a ya eku loveni,

Timhaka 18:6

Kambe loko vona va n'wi kaneta ni ku n'wi sandza, a phumunha ntshuri eswiambalweni swa yena, a ku ka vona: “Nandzu lowu, wu dlaya n'wina vini va wona; loko ndzi ri mina, ndzi humile ka wona; ku sukela sweswi, ndzi ta ya eka vamatiko.”

Habakuku 3:18

mina ndza ha ta bela HOSI minkulungwana ya ntsako, ndzi tsakela Xikwembu lexi xi ndzi ponisaka.

Daniele 9:16

Wena N'wini wa hina, u hi lwerile minkarhi leyo tala. Namuntlha, hi kombela leswaku u rheleta vukari bya wena, u tshika ku hlundzukela muti wa Yerusalema entshaveni ya wena leyo hlawuleka, hikuva matiko hinkwawo lawa ya hi rhendzeleke, ma hlekule muti lowu ma monya na hina vanhu va wena, hi mhaka ya leswi hi ku dyoheleke, hina ni vatata wa hina.

Daniele 9:7

We N'wini wa hina, u Xikwembu xo lulama, kambe hina hi tivangele tingana letikulu namuntlha, ndzi vula hina hinkwerhu: Vanhu va le Yuda, ni lava akeke eYerusalema, ni Vaisraele hinkwavo, lava nga kusuhi ni lava nga kule, ematikweni hinkwawo lawa u va hangalaseleke eka wona, hikuva va lwile na wena, va nga ha tshembeki.

Ezekiele 33:8

Loko ndzi tivisa mudyohi ndzi ku: ‘We mudyohi, hakunene u ta fa!’ kambe wena u nga n'wi tsundzuxi kumbe ku n'wi tshinya leswaku a tshika tindlela ta yena, mudyohi yoloye ú ta fa hikwalaho ka swidyoho swa yena; kambe mina ndzi ta ku vona nandzu emhakeni ya ku dlawa ka warikwenu.

Esaya 45:17

Kambe HOSI Xikwembu xi ta ponisa Vaisraele hilaha ku nga heriki, va nga ka va nga khomiwi hi tingana, kumbe ku hlanganisiwa tinhloko ni siku ni rin'we.

Esaya 12:2

“Xikwembu i muponisi wa mina wa xiviri, ndzi ta xi tshemba, a ndzi nga ha chavi nchumu; HOSI Xikwembu i ntamu wa mina, ndzi ta yimbelela ndzi dzunisa xona, hikuva hi xona xi ndzi ponisaka.”

Pisalema 88:1

We HOSI, Xikwembu xanga ni muponisi wanga, vusiku ni nhlekanhi ndzi huwelela ka wena ndzi kombela ku pfuniwa.

Pisalema 68:20

Xikwembu xa hina i Xikwembu lexi ponisaka; HOSI N'wini wa hinkwaswo hi yena la hi humesaka ematimbeni ya rifu.

Pisalema 55:23

We Xikwembu, u ta va hoxa ekheleni ra rifu; vanhu lava vo tsakela ku halata ngati ni ku kanganyisa, va ta hunguteriwa malembe ya vona ya ku hanya, kambe mina ndzi ta titshembela wena ntsena.

Pisalema 38:22

Hatlisa u ndzi lamulela we N'wini wanga, muponisi wa mina.

Pisalema 25:5

Ndzi fambise entiyisweni wa wena, u ri karhi u ndzi dyondzisa, hikuva hi wena Xikwembu lexi xi ndzi ponisaka, minkarhi hinkwayo ndzi tshemba wena.

Nehemiya 9:33

Eka hinkwaswo leswi swi hi humeleleke, wena u tirhile hi ku lulama ni ku tshembeka, kambe hina hi endlile leswo homboloka.

Ezra 9:13

Hambiloko hi weriwile hi makhombo layo tala hikwalaho ka mahanyelo ya hina layo biha, ni milandzu leyi hi tivangeleke yona, ha swi vona leswaku nkhavi lowu u hi beke ha wona, i wutsongo, a wu ringananga swidyoho swa hina; tlhandlakambirhi, u hi siyerile van'wana, va sala va hanya.

2 SAMIELE 21:1

Enkarhini wa ku fuma ka Davhida, ku vile ni ndlala malembe mankarhu hi ku landzelelana. Davhida a ya vutisa xivangelo eka HOSI Xikwembu, kutani xi hlamula xi ku: “I nandzu wa Sawulo ni ndyangu wa yena, hikuva ú halatile ngati hi ku dlaya vaaki va le Gibiyoni.”

2 SAMIELE 3:28

Loko Davhida a twa mhaka leyi, a ku: “Mina ni tiko ra mina, a hi na nandzu nikutsongo emahlweni ka HOSI Xikwembu, emhakeni ya ku dlawa ka Abinere n'wana Nere.

Genesa 42:22

Kutani Rhuveni a ku ka vona: “A ndzi mi byelanga leswaku hi nga tshuki hi dyohela mufana luya, xana? Kambe n'wina a mi lavanga ku ndzi yingisa. Kutani sweswi, hi le ku biweni hikwalaho ka rifu ra yena.”