Pisalema 51:13 - BIBELE Mahungu Lamanene

¹³ Ndzi ta dyondzisa vadyohi tindlela ta wena, lavo homboloka va ta tlhelela eka wena.

Xitsonga (Bibele)

¹³ Ndzi ta dyondzisa vadyohi tindlela ta wena, Kutani vendlaswivi va ta vuyela eka wena.

Pisalema 51:13 Referans Kwoze

Luka 22:32

kambe mina ndzi ku khongelerile, leswaku ku pfumela ka wena ku nga tshuki ku titivala. Kutani wena, loko u ta va u hundzukile, u ta tiyisa vamakwenu.”

Timhaka 15:3

Kereke yi va longela yi ku: “Tindlela a ti base!” Kutani va tsemakanya matiko ya Fenikiya ni ya Samariya, va ri karhi va hlamusela hilaha vamatiko va hundzukeke hakona; kutani vamakwavo eHosini hinkwavo va tsakisiwa ngopfu hi mhaka leyi.

Timhaka 3:19

“Loko swi ri tano, hundzukani, mi tlhelela eka Xikwembu, leswaku swidyoho swa n'wina swi rivaleriwa,

Matewu 18:3

“Ndzi tiyisile ndzi ri ka n'wina, loko mi nga hundzuki mi fana ni vana, a mi nga ngheni eMfun'weni wa matilo.

Yeremiya 31:18

Ndzi va twile va ka Efrayimi loko va ri karhi va konya, va ku: ‘Khale a hi fana ni swifuwo leswi alaka ku paniwa, kambe u hi tshinyile hi kondza hi yingisa; hi byise hi vuyela eka wena, hikuva we HOSI, hi wena u nga Xikwembu xa hina.

Esaya 6:10

A engeta a ku ka mina: “Nonon'hwisa timbilu ta vanhu lava, u va pfala tindleve ni mahlo, leswaku va nga ha voni, ni ku twa va nga ha twi, hambi ku ri ku twisisa va nga ha twisisi, hikuva va nga tshuka va hundzuka, kutani va rivaleriwa.”

Esaya 2:3

Vanhu lavo tala va ta rhambana va ku: “Tanani hi ya khandziya ntshava ya HOSI, hi kongoma endlwini ya Xikwembu xa Yakobo; xi ta hi dyondzisa leswi xi lavaka swona, kutani hi ta famba endleleni ya xona!” Emutini wa Siyoni, hi kona ku nga ta huma Nawu, Rito ra HOSI ri ta huma eYerusalema.

Pisalema 32:5

Kutani ndzi boxile ku dyoha ka mina, a ndzi ku fihlelanga ku homboloka ka mina. Ndzi vurile ndzi ku: “Ndzi ta tisola eka HOSI, ndzi vula nandzu wa mina.” Kutani we HOSI, u ndzi rhurile ndzhwalo wa swidyoho swa mina.

Pisalema 25:8

HOSI Xikwembu xi tele vunene ni ku lulama, hikokwalaho xi dyondzisaka vadyohi ku famba endleleni leyinene.

Pisalema 22:27

Vanhu vo huma ematikweni hinkwawo va ta tsundzuka HOSI Xikwembu, va ta eka xona, vanhu va tinxaka hinkwato va ta xi nkhinsamela.

Pisalema 19:7

Nawu wa HOSI wu hetisekile, wu hanyisa moya; switsundzuxo swa yona swi tiyile, swi tlharihisa vo kala mano.

Timhaka 13:10

“Wena n'wana Sathana, la teleke ku xisa hinkwako ni ku biha hinkwako, wena nala wa hinkwaswo leswi lulameke, xana u ta tshika rini ku hingakanya tindlela leto lulama ta Hosi ke?

Pisalema 25:4

We HOSI, ndzi dyondzise tindlela ta wena, u endla leswaku ndzi ti tiva.

2 TIHOSI 17:18

Hikokwalaho, HOSI Xikwembu, xi va hlundzukerile ngopfu, kutani xi va yisa kule na xona, ku nga sali na un'we wa vona, ehandle ka nyimba ya Yuda ntsena.

2 TIHOSI 17:20

Kutani HOSI Xikwembu xi tshikile rixaka hinkwaro ra Vaisraele, xi va tsongahata hi ku va nyiketa emavokweni ya vaonhi, xi kondza xi va cukumeta kule na xona.

2 TIHOSI 17:23

kutani swi fikile laha HOSI Xikwembu xi yisaka Vaisraele kule na xona, hilaha xi vuleke hakona hi milomo ya vaprofeta hinkwavo, malandza ya xona. Vaisraele va susiwile etikweni ra vona, va yisiwa eAsiriya va ri mahlonga; va ha ri kwale ni namuntlha.