Pisalema 50:3 - BIBELE Mahungu Lamanene

³ Xikwembu xa hina xa ta, xi nga ka xi nga miyeli; xi rhangeriwe hi ndzilo lowu pfurhaka swinene, xi rhendzeriwa hi xidzedze lexo chavisa.

Xitsonga (Bibele)

³ Xikwembu xa hina xa ta, xi nga ka xi nga miyeli; Emahlweni ka xona ku ni ndzilo lowu pfurhaka, Xi rhendzeriwe exikarhi hi xidzedze lexa matimba.

Pisalema 50:3 Referans Kwoze

Daniele 7:10

Nambu lowu khulukaka ndzilo a wu sukela laha a a ri kona; vanhu va madzana-dzana a va n'wi tirhela, emahlweni ka yena ku yimile vanhu va magidigidi. Kutani huvo yi sungula ntirho wa yona, ku phendliwa ni tibuku.

Tinhlayo 16:35

Kutani HOSI Xikwembu xi xikisa ndzilo wa xona wu hisa lava 250 lava humeseke mirhi ya risuna, va fa.

Levhitika 10:2

Hiloko ku ta ndzilo lowu humaka eka HOSI Xikwembu, wu fika wu va hisa, va fela kwalaho mahlweni ka HOSI Xikwembu.

Matewu 3:12

Rihlelo ri le vokweni ra yena; ú ta peperha hinkwaswo leswi nge xivuyeni xa yena, a heta; kutani mavele, ú ta ma chela enguleni ya yena; kambe mungu wona, ú ta wu hisa endzilweni lowu nga timekiki.”

Nhlavutelo 22:20

Yena loyi a tivisaka ntiyiso wa timhaka leti, ú ri: “Hakunene, ndza ta sweswi-sweswi.” Amen, tana Hosi Yesu!

Vaheveru 12:29

Hikuva Xikwembu xa hina i ndzilo lowu herisaka.

Malakiya 4:1

“Vonani, siku leri pfurhaka kukota langavi ra ta: Lava tikurisaka ni lavo homboloka, va ta hisiwa ku fana ni byanyi. Esikwini rero va ta tshwa, ku nga ha sali na un'we wa mhamba! Ndzi vula sweswo, mina HOSI ya matimba hinkwawo.

Habakuku 3:5

Ntungu wu n'wi rhangela emahlweni, dari ri n'wi landza hi le ndzhaku.

Pisalema 96:13

hikuva HOSI Xikwembu xa ta ku ta fuma misava; xi ta yi avanyisa hi ku lulama, xi fambisa vamatiko entiyisweni wa xona.

Pisalema 83:1

We Xikwembu, u nga miyeli, vulavula, u nga swi languti ntsena!

Pisalema 68:20

Xikwembu xa hina i Xikwembu lexi ponisaka; HOSI N'wini wa hinkwaswo hi yena la hi humesaka ematimbeni ya rifu.

Pisalema 50:21

Swilo leswi mi swi endlile, kambe mina a ndzi hlamulanga nchumu; mi ehleketile leswaku ndzi yima na n'wina, kambe sweswi ndza mi tshinya, ndzi mi vona nandzu.

Pisalema 48:14

“Lexi hi xona Xikwembu, Xikwembu xa hina hilaha ku nga heriki; xi ta hi komba tindlela minkarhi hinkwayo.”

Duteronoma 9:3

Namuntlha swi tiveni leswaku loyi a mi rhangeleke ku fana ni ndzilo lowu chavisaka, i HOSI Xikwembu xa n'wina; hi xona lexi nga ta herisa vanhu lava ni ku mi hlulela vona, kutani mi ta kota ku va hlongola, mi va hangalasa hi ku hatlisa, hilaha HOSI Xikwembu xi mi tshembiseke hakona.

Eksoda 19:18

Ntshava hinkwayo ya Sinayi a yi funengetiwile hi musi, hikuva Xikwembu a xi rhelerile xi ta ehenhla ka yona hi xivumbeko xa ndzilo. Kutani musi wa ndzilo lowu wu huma wu ya ehenhla ku fana ni ndzilo wa le xitikweni, ntshava hinkwayo yi tsekatseka swinene.

Vaheveru 2:3

xana hina hi nga pona hi ndlela yihi, loko hi nyenya ku ponisiwa lokukulu ko tano xana? Hosi yi vurile ta ku ponisiwa loku, ka ha ri eku sunguleni, kutani ku tlhela ku tiyisiwa eka hina hi lava va tweke timhaka ta kona.

Esaya 35:4

Khongotelani lava nga ku kanakaneni, mi ku: “Tiyani, mi nga chavi! Vonani, Xikwembu xa n'wina xi ta ta xi ta mi rihisela eka valala va n'wina, xi ta mi lwela, xi mi ponisa!”

Ezekiele 1:4

Ndzi languta, kutani ndzi vona xihuhuri lexi humaka en'walungwini, xi ta ni papa lerikulu leri rhendzeriweke hi ku vonakala, ndzi vona ni ndzilo lowu vuvumelaka; exikarhi ka wona a ku vonaka xilo lexi vangamaka kukota koporo,