Pisalema 50:23 - BIBELE Mahungu Lamanene

²³ Ku humesa minkhenso i gandzelo leri ri ndzi tsakisaka; loyi a fambaka etindleleni letinene, ndzi ta n'wi ponisa mina Xikwembu.”

Xitsonga (Bibele)

²³ La humesaka ku vonga ri va gandzelo, wa ndzi dzunisa, Ni loyi a lulamisaka ndlela ya yena, Ndzi ta n'wi kombisa ku hlayiseka ka Xikwembu.”

Pisalema 50:23 Referans Kwoze

Pisalema 91:16

Ndzi ta engetela malembe ya yena ya ku hanya, kutani ú ta swi vona leswaku hi mina ndzi n'wi ponisaka.”

Pisalema 86:12

We Xikwembu N'wini wanga, ndza ku nkhensa hi mbilu ya mina hinkwayo, ndzi ta twarisa vito ra wena hilaha ku nga heriki,

Yakobo 3:13

Exikarhi ka n'wina, ku nga va ni loyi a tlhariheke, la nga ni vutivi: A a kombe mintirho ya yena hi mahanyelo ya yena lamanene, lama nga ni vutlhari ni ku titsongahata.

Varhoma 12:1

Loko swi ri tano vamakwerhu, ndza mi khongotela hikwalaho ka tintswalo ta Xikwembu, leswaku mi nyiketa vutomi bya n'wina hinkwabyo, byi va mhamba leyi hanyaka, leyi hlawulekeke, leyi amukelekaka eka Xikwembu; hi wona magandzelele ya n'wina ya xiviri.

Pisalema 25:14

HOSI Xikwembu i nakulobye wa lava va xi chavaka, xi va tivisa leswi ntwanano wa xona wu lavaka swona.

Esaya 12:2

“Xikwembu i muponisi wa mina wa xiviri, ndzi ta xi tshemba, a ndzi nga ha chavi nchumu; HOSI Xikwembu i ntamu wa mina, ndzi ta yimbelela ndzi dzunisa xona, hikuva hi xona xi ndzi ponisaka.”

Timhaka 13:26

“N'wina varikwerhu mi nga rixaka ra Abrahama, na van'wana lava chavaka Xikwembu exikarhi ka n'wina: Mahungu lawa ya ku ponisiwa ma rhumeriwile ka hina.

Vafilipiya 1:27

Ntsena, mahanyelo ya n'wina ma fanele ku fambelana ni Evhangeli ya Kriste, leswaku hambi ndzi ta ku ta mi vona, hambi ndzi nga ti, ndzi ta twa leswaku ma ha yimile mi tiyile emoyeni wun'we, mi lwa swin'we hi mbilu yin'we, mi lwela ku pfumela loku tisiwaka hi Evhangeli.

Yohane 7:17

Loko munhu a navela ku endla ku rhandza ka Xikwembu, ú ta tiva loko dyondzo leyi yi huma eka Xikwembu, kumbe loko ndzi tivulavulela swa mina ntsena?

Luka 2:30

hikuva mahlo ya mina ma vonile ku ponisa ka wena,

Pisalema 85:13

Ku lulama ku rhangela HOSI Xikwembu emahlweni; laha xi fambaka kona, ku pfuleka tindlela.

Vagalatiya 1:24

Kutani a ti dzunisa Xikwembu hikwalaho ka mina.

Pisalema 86:9

Vanhu hinkwavo lava u va vumbeke, va ta ku nkhinsamela we HOSI, va dzunisa vito ra wena.

1 Petro 2:9

Kambe n'wina, mi rixaka leri hlawuriweke, mi vaprista va Hosi, mi tiko leri hlawulekeke, vanhu lava nga va Xikwembu hi xiviri, leswaku mi ta kota ku twarisa mintirho leyo saseka ya loyi a mi vitaneke ku huma emunyameni, mi ta nghena eku vonakaleni ka yena loku hlamarisaka.

1 Petro 1:15

Kambe, leswi loyi a nga mi vitana a hlawulekeke, hlawulekani na n'wina emahanyelweni hinkwawo ya n'wina.

Vagalatiya 6:16

Ku rhula ni ku tsetseleriwa a swi ve ehenhla ka hinkwavo lava fambaka hi nawu lowu, ni ka vanhu hinkwavo va Xikwembu.

Varhoma 15:9

ni leswaku vamatiko va ta kota ku dzunisa Xikwembu hikwalaho ka tintswalo ta xona, hilaha swi tsariweke hakona va ku: “Hikokwalaho, ndzi ta ku dzunisa exikarhi ka vamatiko, ndzi ta yimbelela ndzi twarisa vito ra wena.”

Varhoma 15:6

ku endlela leswaku hinkwenu mi va mbilu yin'we ni nomo wun'we, mi dzunisa Xikwembu, Tata wa Hosi ya hina Yesu Kriste.

Pisalema 85:9

Hakunene Xikwembu xi le kusuhi ni lava va xi chavaka: Xi ta va ponisa, kutani ku dzuneka ka xona a ku nga ha suki etikweni ra hina.

Timhaka 11:14

hi yena la nga ta ku byela timhaka leti u nga ta ponisiwa ha tona, wena ni va ndyangu wa wena hinkwavo.’

Esaya 45:17

Kambe HOSI Xikwembu xi ta ponisa Vaisraele hilaha ku nga heriki, va nga ka va nga khomiwi hi tingana, kumbe ku hlanganisiwa tinhloko ni siku ni rin'we.

Pisalema 27:6

Hikokwalaho, ndzi ta hlula valala va mina lava va ndzi rhendzeleke matlhelo hinkwawo; ndzi ta humesa magandzelo endlwini ya HOSI ndzi ri karhi ndzi ba nkulungwana; ndzi ta yimbelela ndzi dzunisa HOSI.

Pisalema 22:23

“N'wina lava chavaka HOSI Xikwembu, xi dzuniseni, xi tlangeleni, n'wina hinkwenu va ka Yakobo, mi xi komba xichavo, n'wina hinkwenu Vaisraele,

Esaya 49:6

Kutani Xikwembu xi ri: “Wena nandza wa mina, ndzi ku vekile leswaku u pfuxa rixaka ra ka Yakobo, ni ku hlayisa Vaisraele lava va ha saleke. Tlhandlakambirhi, ndzi ta ku endla rivoni ro voningela matiko, leswaku ntirho wa mina wo ponisa vanhu wu ya fika ni le makumu ka misava.”

Pisalema 34:5

Lava langutaka eka xona va ta khapa hi ntsako, va nga ka va nga khomiwi hi tingana ni siku ni rin'we.

Pisalema 120:1

Loko ndzi ri emaxangwini, ndzi huwelele eka HOSI kutani yi ndzi hlamurile.