Pisalema 50:22 - BIBELE Mahungu Lamanene

²² N'wina mi ndzi rivaleke, yingisani leswi! Handle ka swona, ndzi ta mi handzulela, ku ri hava ni loyi a nga mi lamulelaka.

Xitsonga (Bibele)

²² “Twisisani-ke swilo leswi, n'wina lava rivalaka Xikwembu, Leswaku kumbe ndzi nga handzula, ku nga ri na mulweri.

Pisalema 50:22 Referans Kwoze

Ntirho 8:13

Swi tano ni vanhu lava rivalaka Xikwembu, lava va xi fularhelaka: Swilo leswi va swi tshembaka swi hatla swi nyamalala.

Pisalema 9:17

Lavo homboloka va kongoma exivandleni xa vafi, va nga vamatiko hinkwavo lava nga riki na mhaka na Xikwembu.

Hosiya 4:6

Vanhu va mina va ta lovisiwa hi ku pfumala vutivi; leswi n'wina mi aleke vutivi, na mina ndzi ta mi alela ku va vaprista va mina. Leswi mi rivaleke nawu wa mina Xikwembu xa n'wina, na mina ndzi ta rivala vana va n'wina.

Pisalema 7:2

hikuva va nga ndzi handzulela ku fana ni tinghala, va ndzi koka va famba na mina, ku nga ri na loyi a ndzi kutsulaka.

Hosiya 13:8

Ndzi ta va bvanganyeta ku fana ni ntswele ya xinkankanka leyi yiveriweke vana va yona, ndzi va phatlulela swifuva, ndzi va pfotlosela ku fana ni nghala ya nkati, ndzi va handzulela ku fana ni xivandzana.

Yeremiya 2:32

Nhwanyana a nga ka a nga rivali vuhlalu bya yena, na rona hlomisa ri nge rivali swiambalo swa rona swa nkhuvo. Kambe n'wina vanhu va mina, i khale swinene mi ndzi rivarile.

Duteronoma 32:18

Va rivele Ribye leri ri va kombeke misava, va nga ha tsundzuki Xikwembu lexi xi va tumbuluxeke.

Amosi 2:14

Lava nga ni rivilo, va nge kumi nkarhi wo tsutsuma, ni lava nga ni matimba, va ta heleriwa ha wona; hambi yi ri nhenha, yi nga ka yi nga tiponisi.

Esaya 51:13

Xana mi ndzi rivele mina HOSI, Muendli wa n'wina, mina ndzi vambeke matilo, ndzi veka ni misava evutshan'wini bya yona, xana? Mi tshamela yini mi ri ku chaveni ka vukari bya lava va mi xanisaka, lava lavaka ku mi herisa, xana? Vukari bya vona byi ta nyamalala!

Pisalema 10:4

Eku tikuriseni ka yena, lowo homboloka a nga ehleketi ku lava HOSI; miehleketo ya yena hinkwayo yi ri: “Xikwembu a xi kona!”

2 SAMIELE 22:42

Va languta hala ni hala, kambe a ku na loyi a va lamulelaka; va huwelela eka HOSI, kambe a yi va hlamuli.

Luka 15:17

“Hiloko a tiehleketa, a ku: ‘Malandza layo tala ngopfu ma kona eka tatana, lama dyaka ma xurha; kasi mina haleno ndza fa hi ndlala.

Hagayi 1:5

Hikokwalaho, mina HOSI ya matimba hinkwawo ndzi ri, tikambeni mi xiyisisa leswi humelelaka evuton'wini bya n'wina.

Ezekiele 18:28

Leswi a nga tikamba, kutani a hambana ni mintirho ya yena hinkwayo leyo homboloka, hakunene ú ta kuma ku hanya, a nga ka a nga fi.

Mikiya 5:8

Va ka Yakobo lava saleke exikarhi ka vamatiko, va rhendzeriwa hi vanhu lavo tala, va ta fana ni nghala exikarhi ka swiharhi swa nhova, kumbe n'wana wa nghala entlhambini wa tinyimpfu; laha va taka ha kona, va ta bvanyangeta ni ku phatlulela, ku ri hava munhu loyi a va sivelaka.

Hosiya 5:14

hikuva ndzi ta fana ni nghala loko ndzi yela va ka Efrayimi, eka va ka Yuda ndzi ta fana ni xinghalana. Mina hi xiviri xa mina ndzi ta va phatlulela, ndzi va rhwala ndzi famba na vona, ku pfumaleka wo va lamulela.

Eklesiasta 7:14

Hi siku ra minkateko, tsaka, kambe u tianakanya esikwini ra khombo, hikuva masiku lawa, ha mambirhi, ma endliwile hi Xikwembu; kutani swa masiku lawa ya ha taka, xi hi fihlela swona ha vomu.

Duteronoma 32:39

“ ‘Swi tiveni sweswi: Hi mina ntsena ndzi nga Xikwembu a ku na xin'wana ehandle ka mina. Hi mina ndzi dlayaka ni ku hanyisa, ndzi boxa timbanga, ndzi tlhela ndzi horisa, loyi ndzi n'wi khomaka, a nge lamuleriwi hi munhu.

Ntirho 10:7

Wa swi tiva leswaku mina a ndzi dyohanga nchumu, kambe ku hava loyi a nga ndzi lamulelaka emavokweni ya wena!

Pisalema 9:18

Vapfumari va nga ka va nga rivariwi minkarhi hinkwayo, ni ku tshemba ka swisiwana ku nga ka ku nga heleli makumu.