Pisalema 50:12 - BIBELE Mahungu Lamanene

¹² “Hambi a ndzo twa ndlala, a ndzi nga ta kombela nchumu eka n'wina, hikuva misava ni hinkwaswo leswi nga ka yona, i swa mina!

Xitsonga (Bibele)

¹² “Loko ngi ndzi ri ni ndlala ndzi nga ka ndzi nga ku byeli nchumu, Hikuva misava i ya mina, ni hinkwaswo leswi nga eka yona.

Pisalema 50:12 Referans Kwoze

Eksoda 19:5

Kutani ke, loko mi yingisa leswi ndzi vulaka swona, ni loko mi hlayisa ntwanano wa mina, hambileswi misava hinkwayo yi nga ya mina, n'wina mi ta va vanhu va mina va xiviri exikarhi ka vanhu va matiko hinkwawo.

Duteronoma 10:14

Tivani leswaku matilo hinkwawo i ya HOSI Xikwembu xa n'wina, hambi yi ri misava ni swilo hinkwaswo leswi nga eka yona i swa xona.

Ntirho 41:11

I mani la ndzi lombeke xanchumu lexi ndzi bohekaka ku n'wi tlherisela xona ke? Hinkwaswo leswi nga hansi ka dyambu i swa mina!

Genesa 8:17

u huma ni swivumbiwa hinkwaswo leswi hanyaka leswi u nga na swona, ti nga tinyanyana, ni swiharhi, ni swikokovi hinkwaswo, leswaku swi ta tswalana, swi andza, swi tata misava.”

Pisalema 104:24

We HOSI Xikwembu, mintirho ya wena a hi ku tala ka yona, hinkwayo u yi endlile hi vutlhari, misava yi tele hi leswi u swi vumbeke.