Pisalema 50:1 - BIBELE Mahungu Lamanene

¹ HOSI Xikwembu xa matimba hinkwawo xi vulavurile xi rhamba vanhu hinkwavo, ku sukela evuxeni ku ya fika evupeladyambu.

Xitsonga (Bibele)

¹ Xikwembu xa matimba, yena Yehovha, wa vulavula, u vitana misava, Ku suka evuxeni ku yisa evupeladyambu.

Pisalema 50:1 Referans Kwoze

Pisalema 113:3

Vito ra HOSI a ri dzunisiwe ku sukela evuxeni ku ya fika evupeladyambu.

Matewu 25:32

Kutani vanhu va matiko hinkwawo va ta hlengeletiwa emahlweni ka yena; ú ta hlawula van'wana a siya van'wana, kukotisa murisi loko a hlawula tinyimpfu exikarhi ka timbuti.

Yoxuwa 22:22

“HOSI i Xikwembu xa matimba hinkwawo! HOSI Xikwembu xa matimba hinkwawo xa swi tiva, kutani na n'wina Vaisraele mi fanele ku swi tiva! Loko hi fularhele HOSI Xikwembu, kumbe loko hi tlurile xileriso xa xona, namuntlha mi nga hi tsetseleli!

Amosi 3:8

I mani a nga rhurhumeliki, loko nghala yi bonga xana? Xana i mani la nga alaka ku va muprofeta, loko HOSI N'wini wa hinkwaswo a vulavurile, xana?

Esaya 1:2

N'wina matilo, yingisani, na wena misava, rhiya ndleve! HOSI Xikwembu xa vulavula, xi ri: “Ndzi wundlile vana ndzi va kurisa, kambe va ndzi hundzukerile.

Nehemiya 9:6

Kutani Vaisraele va khongela va ku: “Wena HOSI, u Xikwembu u ri wexe! Hi wena u endleke matilo hinkwawo ni hinkwaswo leswi swi nga ka wona; u endlile ni misava ni leswi nga ka yona hinkwaswo, u endla ni malwandle ni hinkwaswo leswi nga ka wona. Swilo leswi hinkwaswo swi hlayisiwa hi wena; ni swivumbiwa swa le tilweni swi gandzela wena!

Malakiya 1:11

“Vito ra mina i rikulu exikarhi ka vanhu va misava hinkwayo; endhawini yin'wana ni yin'wana, vanhu va ndzi hisela mirhi ya risuna, va ndzi humesela magandzelo lama tengeke. Hakunene, vito ra mina i rikulu exikarhi ka vanhu va matiko hinkwawo. Ndzi vula sweswo, mina HOSI ya matimba hinkwawo.

Yeremiya 10:6

We HOSI, a ku na la fanaka na wena, u Xikwembu lexikulu, ni vito ra wena ra chaviseka swinene.

Esaya 54:5

Mina Muendli wa wena, ndzi ta va nuna wa wena, vito ra mina, ndzi HOSI ya matimba hinkwawo; mina Muhlawuleki wa Israele, ndzi mukutsuri wa wena, Xikwembu xa misava hinkwayo, va vula mina.

Esaya 37:20

Sweswi ke, wena HOSI Xikwembu xa hina, hi lamulele emavokweni ya Senakeribi, leswaku mimfumo hinkwayo ya misava yi ta tiva leswaku hi wena ntsena u nga Xikwembu, wena HOSI.”

Esaya 9:6

Hi velekeriwile n'wana, hi nyikiwile n'wana wa mufana, vuhosi i bya yena; vito ra yena i “Mutsundzuxi, munhu wo hlamarisa, Xikwembu xa matimba, Tatana la nga riki na ku hela, Hosi ya ku rhula”.

Pisalema 83:1

We Xikwembu, u nga miyeli, vulavula, u nga swi languti ntsena!

Pisalema 73:1

Xikwembu xi komba Vaisraele vunene bya xona lebyikulu, xi komba ni hinkwavo va timbilu leto tenga.

Nehemiya 9:32

“We Xikwembu xa hina, u Xikwembu lexikulu xa matimba lexi chavisekaka; u hlayisa ntwanano ni rirhandzu lero tshembeka; hikokwalaho, u nga yi endli leyitsongo, mhaka ya ku tikeriwa hinkwako loku hi veke na kona ku sukela enkarhini wa tihosi ta Asiriya ku ta fika sweswi, hina, ni tihosi ta hina, ni varhangeri va hina, ni vaprista va hina, ni vaprofeta va hina, ni vatata wa hina, ni vanhu va wena hinkwavo.

2 TIKRONIKA 29:30

Kutani hosi Hezekiya ni varhangeri va tiko va lerisa Valevhi ku ya emahlweni va dzunisa HOSI Xikwembu hi tinsimu leti qambiweke hi Davhida na Asafa mavonakule. Valevhi va endlisa sweswo, va yimbelela va tsakile ngopfu, va pfa va korhamela hansi, va gandzela na vona.

1 TIKRONIKA 25:6

Vanhu lava hinkwavo a va yimbelela eTempeleni va ri karhi va bananisa swiphambati swa nsimbhi, ni tiharipa, ni switende, va fambisiwa hi tata wa vona. Loko a ri Asafa, na Yedutuni, na Hemani, vona a va fambisiwa hi hosi ya tiko.

1 TIKRONIKA 25:2

Va ka Asafa i Zakuru, na Yosefa, na Netaniya, na Asarela, mufambisi wa vona a ri yena Asafa loyi a a vula rito hi ku lerisiwa hi hosi ya tiko.

1 TIKRONIKA 16:37

Kutani Davhida a veka Asafa ni Valevhi-kulobye entirhweni wa ku hlayisa Areka ya Ntwanano wa HOSI Xikwembu, a va lerisa ku tirhela Xikwembu kona, va hetisa tifanelo ta vona ta siku rin'wana ni rin'wana.

1 TIKRONIKA 15:17

Kutani Valevhi va hlawula Hemani n'wana Yuwele, ni warikwavo Asafa n'wana Berekiya. Exikarhi ka va ka Merari, va hlawula warikwavo Etani n'wana Kuxaya.

1 TIHOSI 18:21

Hiloko Eliya a ta eka ntshungu hinkwawo a ta ku: “Xana mi ta khwita hi milenge mimbirhi ku fikela rini? Loko HOSI Xikwembu xi ri Xikwembu hakunene, tirhelani xona. Kambe loko Baali a ri Xikwembu, tirhelani yena.” Kambe a nga hlamuriwanga hi munhu.

Genesa 17:1

Loko Abrama a ri ni malembe ya 99, HOSI Xikwembu xi humelela eka yena, xi ku: “Hi mina Xikwembu-xa-matimba-hinkwawo; u fanele ku hanya emahlweni ka mina, u ndzi yingisa hi ku hetiseka.

1 TIKRONIKA 6:24

n'wana Asiri i Tahata; n'wana Tahata i Uriele; n'wana Uriele i Uziya; n'wana Uziya i Xawulu.

Pisalema 74:1

We Xikwembu, xana u hi tshikele yini? U nga va u hi tshikele makumu xana? Xana u hi hlundzukelela yini, hina hi nga ntlhambi lowu u wu risaka, xana?

Pisalema 75:1

Ha ku tlangela we Xikwembu, ha ku tlangela! U le kusuhi na hina, kutani vanhu va fanele ku twarisa mintirho ya wena leyo hlamarisa.

Pisalema 76:1

Etikweni ra Yuda, Xikwembu xa tiveka, vito ra xona ra xiximiwa exiharhi ka Vaisraele.

Pisalema 77:1

Ndzi huwelela eka Xikwembu hi rito leri tlakukeke; ndzi huwelela eka xona, hikuva xi ta ndzi yingisa.

Pisalema 78:1

N'wina vanhu va mina, twanani leswi ndzi lavaka ku mi dyondzisa swona, rhiyani ndleve mi yingisa leswi ndzi swi vulaka.

Pisalema 79:1

We Xikwembu, vamatiko va nghenile etikweni ra wena, va nyamisile Tempele ya wena leyo hlawuleka, muti wa Yerusalema va wu hundzule rhumbi.

Pisalema 80:1

We murisi wa Israele, yingisa, rhiya ndleve wena u fambisaka va ka Yosefa kukota ntlhambi; wena u tshameke exiluvelweni ehenhla ka tikerubu, komba ku vonakala ka wena.

Pisalema 81:1

Yimbelelani mi dzunisa Xikwembu lexi xi hi nyikaka matimba, banani minkulungwana mi tlangela Xikwembu xa va ka Yakobo.

Pisalema 82:1

Xikwembu xi tshamile ehubyeni ya le henhla-henhla, xi avanyisa vanhu xi ri ni swivumbiwa swa le tilweni,