Pisalema 5:11 - BIBELE Mahungu Lamanene

¹¹ Kambe hinkwavo lava tumbelaka eka wena va ta tsaka, va ba minkulungwana hilaha ku nga heriki; wena u ta va biyelela leswaku lava ku rhandzaka va kuma ntsako lowukulu eka wena.

Xitsonga (Bibele)

¹¹ Kutani hinkwavo lava ku tshembaka va ta tsaka; Va ta tsakisisa hilaha ku nga heriki, kutani u ta va lwela. Lava rhandzaka vito ra wena va ta ku tsakela.

Pisalema 5:11 Referans Kwoze

Varhoma 8:28

Kambe hi tiva leswaku, etimhakeni hinkwato, Xikwembu xi le ntirhweni wa ku tisa leswinene eka lava va xi rhandzaka, va nga lava xi va vitaneke, hi ku ya hi makungu ya xona.

Pisalema 68:3

Kambe lavo lulama va tsaka hi ntsako lowukulu, va cina emahlweni ka wena!

Pisalema 40:16

Hinkwavo lava taka eka wena, va tate hi ntsako; lava tsakelaka ntirho wa wena wa ku ponisa, a va hambe va ku: “HOSI Xikwembu i Xikwembu lexikulukumba!”

Yakobo 1:12

Ku katekile munhu loyi a tiyiselaka eku ringiweni, hikuva loko a hlurile miringo, ú ta nyikiwa harhi ya vutomi leyi Xikwembu xi yi tshembiseke lava va xi rhandzaka.

1 Vakorinto 2:9

Kambe hilaha ku tsariweke hakona va ri: “Leswi ni tihlo ni rin'we ri nga swi vonangiki, leswi ni ndleve ni yin'we yi nga swi twangiki, leswi nga si tshamaka swi nghena emiehleketweni ya munhu, hi swona leswi Xikwembu xi swi lunghiseleke lava va xi rhandzaka.”

Nhlavutelo 18:20

Tsaka hi mhaka ya wona, wena tilo; na n'wina vahlawuriwa va Xikwembu, ni vaapostola, ni vaprofeta, tsakani, hikuva Xikwembu xi wu avanyisile, xi mi rihisetela.”

Yakobo 2:5

Yingisani vamakwerhu lava rhandzekaka: Xana Xikwembu a xi hlawulanga lava nga swisiwana emisaveni leyi leswaku va va lava fuweke hi tlhelo ra ku pfumela xana? Xana a xi va hlawulelanga ku dya ndzhaka ya Mfumo lowu xi wu tshembiseke lava va xi rhandzaka xana?

Zakariya 9:9

Tsakani mi tsakisisa, n'wina vaaki va Siyoni, banani minkulungwana, n'wina va le Yerusalema! Vonani, mufumi wa n'wina hi luyaa, ú ta kwala ka n'wina; i munhu wo lulama, loyi a hluleke valala, kambe wa titsongahata, ú ta a gadile mbhongolo, xi nga ximbhongolwana n'wana wa mbhongolo.

Pisalema 2:12

Nkhinsamani emilengeni ya xona, xi ta ka xi nga karihi, na n'wina mi ta ka mi nga lovi ma ha ri endleleni, hikuva vukari bya xona byi hatla ku pfurha. Va katekile hinkwavo lava tumbelaka eka xona.

Pisalema 69:36

Vana va wona va ta nyikiwa rona ri va ndzhaka ya vona, hikuva lava rhandzaka Xikwembu va ta tshama eka rona.

Pisalema 65:13

Etimbaleni ku tele tinyimpfu ni timbuti. Mavele ma funengeta minkova, ntumbuluko hinkwawo wu yimbelela wu tsakile.

Pisalema 35:27

Kambe lava tsakisiwaka hi ku khana ka mina, a va be nkulungwana va ku: “HOSI Xikwembu xi dzuneka ngopfu, xona xi rhandzeke leswaku nandza wa xona a humelela.”

Pisalema 58:10

Munhu wo lulama ú ta tsaka loko a vona ku biwa ka lavo homboloka, ú ta hlamba milenge engatini ya vona.

Ntirho 38:7

Esikwini rero, tinyeleti ta mixo a ti yimbelela hi nomo wun'we; swivumbiwa swa le tilweni, a swi ba minkulungwana hinkwaswo.

Vaavanyisi 5:31

“Wena HOSI Xikwembu, valala va wena a va lovise sweswo, kambe lava va ku rhandzaka a va ve ni ntamu ku fana ni dyambu loko ri tlhava.” Kutani ku va ni ku rhula etikweni ku ringana malembe ya 40.