Pisalema 49:19 - BIBELE Mahungu Lamanene

¹⁹ kambe na yena ú ta fa a landza va ka vona, laha a nga ta ka a nga ha voni dyambu.

Xitsonga (Bibele)

¹⁹ Hambiswiritano, u ta xikela erixakeni ra vatata wa wena, Lava nga ha tiki vona ku vonakala ni siku ni rin'we.

Pisalema 49:19 Referans Kwoze

Ntirho 33:30

Xi va tsavula exidziveni xa rifu, xi va hanyisa ni ku va voninga.

Pisalema 56:13

hikuva u ndzi ntshunxile ematimbeni ya rifu, a wu pfumelanga leswaku ndzi rheta ndzi wa, u ndzi fambisile emahlweni ka wena we Xikwembu, eku vonakaleni loku nyikaka vutomi.

Genesa 15:15

Loko a ri wena, u ta tietlelela u dyuharile swinene, u landza vatata wa wena hi ku rhula.

Yuda 1:13

i magandlati yo leva ya lwandle; mintirho ya vona ya tingana yi tlutlha ku fana ni xikhuvi; i tinyeleti ta vurhurha-rhurha leti hlayiseriweke munyama lowukulu ngopfu, hilaha ku nga heriki.

Luka 12:20

Kambe Xikwembu xi ku ka yena: ‘Wee xihunguki! Hi vusiku byebyi, u ta tekeriwa moya wa wena; kutani leswi u swi lunghiseke swi ta va swa mani xana?’ ”

Matewu 22:13

Hiloko hosi yi ku ka malandza: ‘N'wi boheni milenge ni mavoko, mi n'wi cukumeta ehandle munyameni laha ku nga ta va ni minkosi ni ku getsela ka meno.’ ”

Matewu 8:12

Kambe lava Mfumo a wu ri wa vona, va ta cukumetiwa handle emunyameni, laha ku nga ta va ni minkosi ni ku getsela ka meno.”

Eklesiasta 12:7

ntshuri wu nga si tlhelela emisaveni laha wu humaka kona, ni moya wu nga si tlhelela eka Xikwembu, munyiki wa wona.

Eklesiasta 3:21

Xana moya wa munhu hi wona wu tlhandlukelaka ehenhla, ni moya wa swiharhi hi wona wu rhelelaka wu ya ehansi, xana? Ku hava loyi a swi tivaka.

1 TIHOSI 16:6

Baaxa a tietlelela, a lahliwa eTirisa, kutani Ela n'wana wa yena a sala a fuma.