Pisalema 48:3 - BIBELE Mahungu Lamanene

³ Xikwembu xi le ndzeni ka makhokholo ya yona, xi tiveka xi ri mulweri wa yona.

Xitsonga (Bibele)

³ Etindlwini ta wona ta vuhosi Xikwembu xi tiviwa xi ri xichavelo lexi tlakukeke.

Pisalema 48:3 Referans Kwoze

Pisalema 125:1

Lava tshembaka HOSI Xikwembu, va fana ni ntshava ya Siyoni, leyi nga tsekatsekiki, leyi tiyeke hilaha ku nga heriki.

Pisalema 46:7

HOSI ya matimba hinkwawo yi na hina, khokholo ra hina i Xikwembu xa va ka Yakobo.

2 TIKRONIKA 12:7

Kutani loko HOSI Xikwembu xi vona ku tisola ka vona, xi byela muprofeta Xemaya xi ku: “Leswi va tisoleke, a ndzi nga va herisi; ku nga ri khale, ndzi ta va lamulela. A ndzi nga ha va hlundzukeli, ndzi ta va kutsula emavokweni ya Xixaka.

2 SAMIELE 5:7

Hambiswiritano, Davhida ú swi kotile ku teka khokholo ra Siyoni, kutani sweswi ri vuriwa “Muti-wa-Davhida”.

Pisalema 50:2

Xikwembu xi komba ku vonakala ka xona lokukulu, xi ri emutini wo saseka ngopfu wa Siyoni.

Pisalema 135:21

N'wina mi akeke eSiyoni, nkhensani HOSI Xikwembu, xona xi tshamaka eYerusalema. Dzunisani HOSI!

Risimu ra Tinsimu 6:4

We murhandziwa u sasekile ku fana ni muti wa Tirisa, u vumbekile ku fana ni muti wa Yerusalema, u hlamarisa ku fana ni masocha lama khomeke mijeko.

Swirilo 2:15

Hinkwavo lava hundzaka hi ndlela va ku yowetela, we Yerusalema, va ku chayela miloti, va hlakahla ni tinhloko va ku: “Xana lowu hi wona muti lowu khale a wu vuriwa mbhurhi ya timbhurhi, xitsakiso emisaveni hinkwayo xana?”