Pisalema 47:1 - BIBELE Mahungu Lamanene

¹ N'wina hinkwenu vamatiko, phokotelani! Banani nkulungwana mi twarisa Xikwembu,

Xitsonga (Bibele)

¹ N'wina matiko hinkwawo, phokotelani, Mi bumabumela Xikwembu hi rito leri tlakukeke.

Pisalema 47:1 Referans Kwoze

Pisalema 106:47

We HOSI Xikwembu xa hina, hi ponise, u hi hlengeleta hi huma exikarhi ka vamatiko, kutani hi ta tlangela vito ra wena lero hlawuleka, hi tsaka hi ri karhi hi ku dzunisa.

Pisalema 98:4

N'wina vaaki hinkwavo va misava huwelelani mi dzunisa HOSI, sumani tinsimu mi yimbelela mi ri karhi mi ba minkulungwana;

Yeremiya 31:7

HOSI Xikwembu xi vurisa sweswo xi ri: “Yimbelelani mi ba ni minkulungwana, mi tsakela Yakobo, yena murhangeri wa vamatiko. Ndzi dzuniseni swinene, mi ku: ‘HOSI Xikwembu xi ponisile vanhu va xona, wona masalela ya Vaisraele.’

Esaya 55:12

“Mi ta huma mi tsakile mi fambisiwa hi ku rhula; tintshava ni swintshabyana swi ta yimbelela swi ba minkulungwana emahlweni ka n'wina, mirhi hinkwayo yi ri karhi yi phokotela.

Pisalema 46:1

Xikwembu i khokholo ra hina leri tiyeke; vanhu lava nga khombyeni, xi hatla xi va pfuna.

Pisalema 47:5

HOSI Xikwembu xi tlhandlukele eSiyoni, vanhu va ri karhi va ba huwa ya ntsako, va chaya ni tinanga.

2 TIHOSI 11:12

Yoyada a humesa Yowasi n'wana wa hosi, a n'wi tlhandleka harhi ya vuhosi enhlokweni, a n'wi nyika ni mfungho wa vuhosi, kutani va n'wi veka hosi hi ku n'wi chela mafurha enhlokweni; va phokotela mavoko, va huwelela va ku: “Hosi! Hanya hilaha ku nga heriki!”

2 SAMIELE 6:15

Davhida ni Vaisraele hinkwavo a va ba minkulungwana, va chaya ni tinanga, loko va ri karhi va ta ni Areka ya HOSI.

Zakariya 9:9

Tsakani mi tsakisisa, n'wina vaaki va Siyoni, banani minkulungwana, n'wina va le Yerusalema! Vonani, mufumi wa n'wina hi luyaa, ú ta kwala ka n'wina; i munhu wo lulama, loyi a hluleke valala, kambe wa titsongahata, ú ta a gadile mbhongolo, xi nga ximbhongolwana n'wana wa mbhongolo.

Zakariya 4:7

“We nhulu leyikulu ya maribye, wo va yini? Emahlweni ka Zerubabele, u ta hundzuka rivala, kutani yena ú ta humesa ribye ra yinhla, ntshungu wu ri karhi wu huwelela wu ku: ‘Ribye leri a ri katekisiwe, a ri katekisiwe!’ ”

Pisalema 98:8

Milambu a yi phokotele mavoko, tintshava hinkwato a ti be minkulungwana,

2 TIKRONIKA 13:15

Kutani loko masocha ya ka Yuda ma ya eku lweni ma ri karhi ma ba huwa, Xikwembu xi hlongola Yerobuwamu ni Vaisraele hinkwavo, va tsutsuma Abiya ni vanhu va ka Yuda;

1 SAMIELE 10:24

Samiele a ku ka vanhu hinkwavo: “Xana ma n'wi vona loyi Xikwembu xi n'wi hlawuleke, xana? A ku na munhu ni un'we exikarhi ka tiko hinkwaro, loyi a fanaka na yena.” Vanhu hinkwavo va huwelela va ku: “Hosi! Hanya hilaha ku nga heriki!”

Sofoniya 3:14

We nhwana wa Siyoni, yimbelela swi twala, huwelela swinene, wena Israele! Bana nkulungwana wa ntsako hi mbilu ya wena hinkwayo, we nhwana wa Yerusalema!

Pisalema 42:1

Ku fana ni ntswele ya mhunti loko yi rilela nambu lowu khulukaka, hi sweswo ni moya wanga, wu rilela wena Xikwembu xanga.