Pisalema 46:9 - BIBELE Mahungu Lamanene

⁹ Xi siverile tinyimpi ku ya fika evugimamusi, vurha xi tshovile, xi bvinyile ni matlhari; makalichi ya nyimpi xi ma hisile!

Xitsonga (Bibele)

⁹ U herise tinyimpi ku yisa emakun'wini ya misava, U tshovile mavurha, u fayetele matlhari, U hise tigolonyi endzilweni.

Pisalema 46:9 Referans Kwoze

Esaya 2:4

HOSI Xikwembu xi ta avanyisa timhaka ta matiko, hi xona xi nga ta tsema milandzu ya vanhu lavo tala; kutani va ta fula matlhari ya vona va endla swikomu, va endla ni mikwana yo khutulela ha yona; tiko rin'wana ri nga ka ri nga ha pfuki rin'wana, ni vanhu a va nga ha dyondzisiwi ku lwa nyimpi.

Mikiya 5:10

HOSI Xikwembu xi ri: “Enkarhini wolowo, ndzi ta herisa tihanci ta n'wina ni makalichi ya n'wina ya nyimpi.

Esaya 60:18

Etikweni ra wena, a ku nga ha twali timhaka ta vanhu va tihanyi, huwa ya ku hlasela ni ku herisa swilo yi ta nyamalala. Makhumbi ya wena, u ta ma thya vito ra ‘Loyi-a-ponisaka’, ni tinyangwa ta wena u ta ti thya vito ra ‘Loyi-a-twarisiwaka’.

Esaya 11:9

Hinkwako entshaveni leyo hlawuleka ya HOSI Xikwembu, a ku nga vi na ku vavisana kumbe ku dlayana, hikuva vanhu lava tivaka HOSI Xikwembu va ta va va tatile tiko, ku fana ni mati lama funengetaka hinkwako elwandle.

1 SAMIELE 2:4

“Mavurha ya tinhenha ma tshovekile, kambe lava a va tsanile, sweswi va tiyile.

Yoxuwa 11:9

Hiloko Yoxuwa a endla hilaha HOSI Xikwembu xi n'wi leriseke hakona: A lamata tihanci ta vona hi ku ti tsema misiha ya milenge, a tlhela a hisa makalichi ya vona hi ndzilo.

Ezekiele 39:3

kambe sweswi ndzi ta ku ba voko ra ximatsi, ri tshika ku khoma vurha; ndzi ta ku ba voko ra xinene, ri tshika ku tamela miseve.

Yoxuwa 11:6

Kutani HOSI Xikwembu xi ku ka Yoxuwa: “U nga va chavi, hikuva mundzuku hi nkarhi wo fana ni lowu, ndzi ta va nyiketa emavokweni ya Vaisraele va file; tihanci ta vona u fanele ku ti lamata hi ku ti tsema misiha ya milenge. Makalichi wona u ma hisa hi ndzilo.”

Pisalema 66:5

Tanani mi ta hlalela mintirho ya Xikwembu: Xi endlile swilo leswo hlamarisa laha misaveni.

Esaya 10:23

HOSI ya matimba hinkwawo, N'wini wa hinkwaswo, ú ta va herisa hilaha a boheke hakona, matiko hinkwawo ma ri karhi ma swi vona.