Pisalema 46:2 - BIBELE Mahungu Lamanene

² Hikokwalaho hi nga ka hi nga rhurhumeli, hambiloko misava yi nga hundzuka, kumbe tintshava ti ninginika ti wela elwandle;

Xitsonga (Bibele)

² Hikwalaho a hi chavi nchumu loko misava yi hundzuluka, Ni loko tintshava ti tsekatseka exikarhi ka malwandle,

Pisalema 46:2 Referans Kwoze

Pisalema 23:4

Ni loko ndzi nga famba enkoveni wa xinyami xo chavisa, a ndzi chavi nchumu xo biha, hikuva u na mina: Wa ndzi lwela ni ku ndzi hlayisa.

Vaheveru 13:6

Hikokwalaho hi nga vula hi tiyile, hi ku: “Hosi i mupfuni wa mina, a ndzi nga chavi nchumu; munhu a nga ndzi endla yini xana?”

Pisalema 27:3

Hambiloko vuthu lerikulu ro ta ri ta ndzi rhendzela, ndzi nga ka ndzi nga rhurhumeli, ni loko vanhu va nga hloma matlhari va ndzi tela, ndzi nga ka ndzi nga tsemeki nhlana.

Matewu 21:21

Yesu a va hlamula a ku: “Ndzi tiyisile ndzi ri ka n'wina, loko mi ri ni ku pfumela mi nga kanakani, a mi nga endli leswi endliweke eka nkuwa lowu ntsena, kambe ni loko mi ku eka ntshava leyi: ‘Suka, u ya tihoxa elwandle!’ swi ta endleka;

Luka 21:33

Tilo ni misava swi ta hundza, kambe marito ya mina ma nga ka ma nga hundzi.

Pisalema 82:5

“Kambe n'wina a mi na vutivi, ni ku twisisa a mi twisisi; mi gugurhuteka emunyameni, hikokwalaho masungulo ya misava hinkwayo ma tsekatseka.

Pisalema 18:7

Kavaloko misava yi ninginika, yi tsekatseka, kutani masungulo ya tintshava ma rhurhumela ni ku gudlagudla, hikuva HOSI a yi pfurha hi vukari.

2 SAMIELE 22:3

We Xikwembu, wena ribye ranga leri ndzi chavelaka eka rona, u xitlhangu xa mina, wena la nga ni matimba ya ku ndzi ponisa. U khokholo ra mina ni vutumbelo bya mina, wena muponisi wanga, wena u ndzi ponisaka eka vanhu va tihanyi.

Pisalema 28:7

HOSI hi yona matimba ni xitlhangu xanga, ndzi tshemba yona ntsena; sweswi ndzi pfunekile, kutani mbilu ya mina yi tele ntsako, ndzi nkhensa HOSI hi ku yimbelela tinsimu.

Pisalema 37:39

Vanhu vo lulama va ponisiwa hi HOSI Xikwembu, hi xona khokholo ra vona enkarhini wa khombo.

Pisalema 59:17

Wena u ndzi nyikaka matimba ndzi ta ku dzunisa hi ku yimbelela, hikuva we Xikwembu u khokholo ra mina, u Xikwembu xo tshembeka lexi xi ndzi rhandzaka.

Pisalema 62:8

N'wina vanhu, tshembani Xikwembu minkarhi hinkwayo, xi tiviseni leswi nga timbilwini ta n'wina, hikuva hi xona ribye ra vutumbelo bya hina.

Pisalema 62:9

Vanhu hinkwavo, lavakulu ni lavatsongo, a hi nchumu, vo va moyanyana ntsena; loko va pimiwa exikalwini, va vevuka ku tlula ni risiva rinene.

Pisalema 91:2

ú xi dzunisa a ku: “U khokholo leri ndzi tumbelaka eka rona, u Xikwembu xa mina lexi ndzi xi tshembaka.”

Pisalema 142:6

Rhiya ndleve u twa xirilo xa mina, hikuva ndzi tsongahatiwile ngopfu. Ndzi lamulele eka lava va ndzi hlongorisaka, hikuva va ndzi tlula hi matimba.

Yeremiya 14:8

Vaisraele va tshemba wena ntsena, enkarhini wa khombo, u mukutsuri wa vona. Hikwalaho ka yini u tiendla xi-ta-xi-famba, muhundzi wa ndlela wo xwa vusiku byin'we ntsena ke?

Nahume 1:7

HOSI Xikwembu i Xikwembu lexinene, i khokholo hi siku ra khombo; xi hlayisa lava chavelaka eka xona.