Pisalema 45:12 - BIBELE Mahungu Lamanene

¹² We nhwana wa le Tiri, lava fuweke etikweni va ta ku humesela tinyiko, va endlela leswaku u va tsakela.

Xitsonga (Bibele)

¹² Wanhwana wa Tiri, ni vafumi va matiko, Va ta ku tsakisa hi mihlengo.

Pisalema 45:12 Referans Kwoze

Pisalema 22:29

Vanhu hinkwavo va misava lava tikurisaka, va ta tsongahatiwa emahlweni ka N'wini wa hinkwaswo. Hinkwavo lava faka va ta n'wi nkhinsamela, va nga lava hlulekeke ku hlayisa vutomi bya vona.

Esaya 49:23

Tihosi ti ta va vatatana eka wena, vasati va tona va ta va vamanana lava va nga ta ku hlayisa. Hinkwavo va ta nkhinsama va korhama, va nantswetela ritshuri emilengeni ya wena. Hikokwalaho, u ta swi tiva leswaku HOSI Xikwembu, hi mina; lava va ndzi tshembaka, va nga ka va nga khomiwi hi tingana.”

Esaya 60:3

Kutani vanhu va matiko man'wana va ta ta eku vonakaleni ka wena, tihosi ta vona ti ta ta loko ti ku vona u lo nghéé, kukotisa dyambu.

Pisalema 72:10

Tihosi ta matiko hinkwawo ya le kule a ti n'wi humesele ndzuvo, va le Xeba ni va le Seba a va n'wi tisele tinyiko.

Matewu 2:11

Kutani va nghena ndlwini, va kuma xihlangi ni mana wa xona Mariya; kwalaho va nkhinsama, va xi gandzela; kutani va ntshunxa mindzhwalo ya vona, va xi humesela tinyiko ta nsuku, ni mirhi ya risuna, ni mafurha ya mirha.

Pisalema 68:29

u ri eTempeleni ya wena eYerusalema, kutani tihosi ti ta ku luva.

Risimu ra Tinsimu 2:14

Wena xituvana xa mina, lexi tumbelaka emaribyeni ni le mabakweni ya riwa, u nge, ndzi vona nghohe ya wena; vulavula, ndzi ku twa, hikuva rito ra wena ra tsokombela, ni nghohe ya wena yi xongile.

Risimu ra Tinsimu 7:11

Murhandziwa, tana, a hi ye enhoveni, hi ya etlela eswigungwanini.