Pisalema 44:17 - BIBELE Mahungu Lamanene

¹⁷ Hinkwaswo leswi swi hi humelerile, hambiloko hi nga ku rivalanga kumbe ku tshova ntwanano wa wena.

Xitsonga (Bibele)

¹⁷ Leswi hinkwaswo swi hi humelele hambi hi nga ku rivalanga, Hambi hi nga tshikanga ntwanano wa wena,

Pisalema 44:17 Referans Kwoze

Daniele 9:13

Mahlomulo lawa hinkwawo, ma hi humelerile hilaha swi tsariweke hakona eka Nawu wa Muxe, kambe hambiswiritano we HOSI Xikwembu xa hina, a hi hundzukanga, a hi tshikanga swidyoho swa hina, naswona a hi kombelanga leswaku u hi twela vusiwana; marito ya wena ya ntiyiso, a hi ma yingisanga.

Duteronoma 8:14

mi nga tshuki mi tikurisa, kutani mi fularhela HOSI Xikwembu xa n'wina lexi xi mi humeseke etikweni ra Egipta ni le vuhlongeni bya rona.

Duteronoma 6:12

mi nga tshuki mi rivala HOSI Xikwembu lexi xi mi humeseke etikweni ra Egipta ni le vuhlongeni bya kona.

Ezekiele 20:37

Ndzi ta mi fuma hi nhonga, ndzi mi sindzisa ku hlayisa swiboho swa ntwanano wa mina na n'wina.

Ezekiele 16:59

“Mina HOSI N'wini wa hinkwaswo ndzi ri: Ndzi ta ku ba hikwalaho ka leswi u swi endleke, hikuva u sandzile ntwanano lowu ndzi wu boheke na wena, u tlhela u wu tshova.

Yeremiya 31:32

Ntwanano wa kona wu ta hambana ni lowu ndzi wu endleke khale ni vatata wa vona, siku ndzi va humeseke etikweni ra Egipta. Ntwanano wa mina lowo rhanga, va wu tshovile, hambileswi a ndzi ri n'wini wa vona; ndzi vula sweswo mina HOSI.

Yeremiya 2:32

Nhwanyana a nga ka a nga rivali vuhlalu bya yena, na rona hlomisa ri nge rivali swiambalo swa rona swa nkhuvo. Kambe n'wina vanhu va mina, i khale swinene mi ndzi rivarile.

Esaya 17:10

N'wina Vaisraele, mi rivarile Xikwembu lexi xi mi ponisaka, Ribye leri mi tumbelaka eka rona, a mi ri tsundzukanga; hikuva mi tsakela ku endla mintanga, mi simeka ni swirhabyana eka yona, mi simekela swikwembu swimbe.

Pisalema 78:57

Va fularhele Xikwembu, va lwa na xona kukota vatata wa vona; a va nga tshembeki, va fana ni vurha bya ngoti yo debya.

Pisalema 78:7

Hi mukhuva wolowo, va ta tshemba Xikwembu, va nga rivali mintirho ya xona; va ta hlayisa swileriso swa xona.

Pisalema 44:20

We Xikwembu xa hina, loko hi rivele vito ra wena kumbe loko hi tlakusile mavoko hi khongela Xikwembu xin'wana,

Pisalema 9:17

Lavo homboloka va kongoma exivandleni xa vafi, va nga vamatiko hinkwavo lava nga riki na mhaka na Xikwembu.