Pisalema 44:12 - BIBELE Mahungu Lamanene

¹² U xavisile vanhu va wena hi nxavo wa le hansi, u nga lavi ku vuyeriwa hi nchumu!

Xitsonga (Bibele)

¹² U xavisele swahava tiko ra wena, U ri xavisele lexi nga riki xa nkoka.

Pisalema 44:12 Referans Kwoze

Yeremiya 15:13

HOSI Xikwembu xi engeta xi ku: “N'wina Vaisraele, ndzi ta nyiketa rifuwo ra n'wina ni xuma xa n'wina eka valala, va swi phangha, ndzi mi bela swidyoho swa n'wina hinkwaswo leswi tateke tiko ra n'wina.

Duteronoma 32:30

Xana munhu a nga hlongorisa vanhu va gidi a ri yexe xana? Hambi vanhu vambirhi va nga hlula vanhu va khume ra magidi ke? E-e, sweswo swi nga endleka ntsena loko HOSI Xikwembu, Ribye ra vona leri tiyeke, xi lo va tshika, xi va fularhela.

Nhlavutelo 18:13

sinamoni, ni swin'wana swo nandzihisa swakudya; mirhi ya risuna ya magandzelo, ni mafurha ya “mirha”, ni mirhi yin'wana yo nun'hwela; vhinyo ni mafurha, mapa ni mavele, tihomu ni tinyimpfu, tihanci ni magolonyi, mahlonga, hambi yi ri mimoya ya vanhu.

Esaya 50:1

HOSI Xikwembu xi vurisa sweswo xi ri: “Mi ehleketa leswaku ndzi mi tshikile, n'wina Vaisraele, ku fana ni wanuna la hlongolaka nsati wa yena; loko swi ri tano, ri kwihi papila leri tiyisaka mhaka ya kona, xana? Mi anakanya leswaku ndzi mi yisile evuhlongeni, ku fana ni munhu la rihaka swikweleti hi vana va yena; xana ndzi mi nyikete eka mani? Swidyoho swa n'wina, hi swona swi nga mi yisa evuhlongeni, mi tshikiwile hi mhaka ya milandzu ya n'wina kukota wansati la hlongoriweke evukatini.

Vaavanyisi 3:8

Hikokwalaho, HOSI Xikwembu xi va karihela, xi va nyiketa emavokweni ya Kuxani-Rixatayimi hosi ya le Mesopotamiya, kutani Vaisraele va va malandza ya yena ku ringana malembe ya 8.

Vaavanyisi 2:14

Hikokwalaho, HOSI Xikwembu xi karihela Vaisraele, kutani xi va tshika va hlaseriwa hi vaxanisi va vona, xi va nyiketa eka valala va vona lava va va rhendzeleke, va nga ha koti ku va hlula.

Levhitika 26:33

Ndzi ta mi vangela tinyimpi, ndzi mi hangalasa mi ya tshama exikarhi ka vamatiko. Etikweni ra n'wina ku ta sala ku nga ha ri na munhu, miti ya n'wina yi ta hundzuka marhumbi.

Duteronoma 4:27

HOSI Xikwembu xi ta mi hangalasa ni matiko, kutani exikarhi ka tinxaka hinkwato leti xi nga ta mi yisa eka tona, mi ta va mi nga talanga.