Pisalema 42:9 - BIBELE Mahungu Lamanene

⁹ Ndzi ta vutisa Xikwembu, ribye ra mina, ndzi ku: “U ndzi tshikele yini? Hikwalaho ka yini ndzi famba tanihi muferiwa, ndzi ri karhi ndzi xanisiwa hi valala va mina xana?”

Xitsonga (Bibele)

⁹ Ndzi ku eka Xikwembu, ri nga ribye ra mina: “U ndzi rivele ha yini xana? Swi ndzi fanela ha yini ku famba hi xirilo, ndzi xanisiwa hi nala?”

Pisalema 42:9 Referans Kwoze

Pisalema 38:6

Ndzi tikeriwa ni ku tshikeleriwa ku tlula mpimo, siku hinkwaro ndzi famba-famba ndzi ri eku rileni.

Pisalema 43:2

We Xikwembu, u khokholo ra mina, xana u ndzi tshikele yini? Hikwalaho ka yini valala va mina va ndzi xanisa, kutani ndzi famba-famba tanihi muferiwa xana?

Pisalema 18:2

HOSI i vutumbelo bya mina, i khokholo ranga ni mukutsuri wanga, i Xikwembu xa mina, ni ribye ranga leri ndzi tumbelaka eka rona; i xitlhangu xa mina, lexi nga ni matimba ya ku ndzi ponisa, naswona i khokholo ra mina.

Esaya 40:27

N'wina va ka Yakobo, xana mi vilelela yini; ndzi vula n'wina Vaisraele, xana mi vula yini loko mi ku: “HOSI Xikwembu a xa ha lavi ku tshinela kusuhi na hina, Xikwembu xa hina a xa ha lavi ku hi sirhelela.”

Pisalema 62:2

Hi xona ntsena xi nga ribye ra mina, khokholo ra mina ni muponisi wanga. Ku hava munhu na un'we la nga ndzi susaka.

Pisalema 28:1

We HOSI, ndzi huwelela eka wena, u nga ndzi pfaleli tindleve, we ribye ranga, hikuva loko wo ndzi miyelela, ndzi ta ya eku loveni!

Esaya 49:15

Kambe Xikwembu xi ri: “Xana wansati a nga rivala n'wana loyi a n'wi mamisaka xana? Xana a nga tshika ku rhandza n'wana loyi a n'wi velekeke xana? Hambiloko manana a nga rivala n'wana wa yena, mina ndzi nga ka ndzi nga ku rivali.

Eklesiasta 4:1

Kutani ndzi engeta ndzi vona hilaha vanhu va xanisanaka hakona emisaveni: Langutani mihloti ya vaxaniseki, ku hava loyi a va miyetaka; a va tweriwi vusiwana, hikuva vaxanisi va ni matimba.

Pisalema 88:9

Mahlo ya mina ma fehla hikuva ndzi le ku rileni. We HOSI, masiku hinkwawo ndza ku khongela, ndzi tlakusile mavoko.

Pisalema 78:35

Va tsundzukile leswaku Xikwembu lexi nga henhla-henhla i ribye ra vona ni muhlayisi wa vona.

Pisalema 77:9

Xana Xikwembu xi lo rivala ku va ni tintswalo xana, xana xi ala ku hi twela vusiwana hileswi xi hlundzukeke xana?”

Pisalema 55:3

Huwa ya valala va mina yi ndzi pfumata vurhongo, ni ku tshimbeteriwa hi lavo biha, swa ndzi tika, hikuva va ndzi vangela nhlomulo; loko va hlundzukile, va tsakela ku lwa na mina.

Pisalema 13:1

We HOSI, xana u ta ndzi rivala ku fikela rini xana? Ku ta va hilaha ku nga heriki ke? U ta ndzi fularhela ku fikela rini xana?

Pisalema 92:3

ku ri karhi ku chayiwa tiharipa letikulu ni letitsongo, ku chayiwa ni switende.