Pisalema 41:9 - BIBELE Mahungu Lamanene

⁹ Hambi a ri munghana wa mina loyi a ndzi n'wi tshemba, loyi a ndzi dya na yena, sweswi ú lwa na mina.

Xitsonga (Bibele)

⁹ Na yena nakulorhi loyi ndzi n'wi tshembeke, Loyi a nga dya vuswa bya mina, u ndzi tlakusele xirhendze.

Pisalema 41:9 Referans Kwoze

Yohane 13:18

“A ndzi vulavuli ndzi katsa n'wina hinkwenu; ndzi tiva lava ndzi va hlawuleke; kambe Tsalwa ri fanele ku hetiseka, leri nge: ‘Loyi a dyaka vuswa bya mina, ú ndzi hundzukele, a ndzi khadlanya.’

Matewu 26:23

A hlamula, a ku: “La nga ta ndzi xenga, hi loyi a xevaka na mina enkambaneni.

Yeremiya 20:10

Ndzi twa lava hlevetelaka va ku: “Muchavisi-matlhelo-hinkwawo, hi loyi! A hi n'wi mangaleleni eka tihosi!” Lava vulaka sweswo i vanghana va mina, hinkwavo va langutele ku wa ka mina, va ku: “Kumbexana ú ta phasiwa, kutani hi ta kota ku n'wi hlula, hi tirihisela eka yena.”

Ntirho 19:19

Vanghana va mina hinkwavo va ndzi hundzukele, ndzi tshikiwa hi lava a va ndzi rhandza khale.

Obadiya 1:7

Hinkwavo vanghana va n'wina va ta mi kanganyisa, va mi hlongola etikweni ra n'wina; lava a mi twanana na vona va ta lwa na n'wina va mi hlula, lava a mi va tshemba ngopfu va ta mi phija mi wa, vutlhari bya n'wina a byi nga ha pfuni nchumu.

Mikiya 7:5

U nga tshembi muakelani, na yena munghana, u nga n'wi tshembi, hambi a ri nsati wa wena, tivonele loko u vulavula na yena.

2 SAMIELE 15:12

Loko Abixalomu a ri karhi a humesa magandzelo, a rhuma vanhu va ya emutini wa Gilo, va ya vitana Ahitofele, loyi a a ri un'wana wa vatsundzuxi va hosi Davhida. Ahitofele a a tshama emutini wolowo. Makungu ya ku vanga vuhosi a ma ya emahlweni swinene, kutani ntlawa wa lava seketelaka Abixalomu a wu ya wu kula.

Ntirho 19:13

“Xikwembu xi ndzi hambanisile ni varikwerhu, va ka hina va ndzi fularhele.

Duteronoma 32:15

“Va ka Yakobo va dyile va xurha, va ka Yexuruni va nyuhele ngopfu kutani va sungula ku tiarisa, va kukumukile hi mafurha, va tlhela va phatima, kambe va tshikile Xikwembu, xona Muvumbi wa vona, va xi sandza, xona Ribye leri ri va poniseke.

Pisalema 101:3

ndzi tshika mintirho hinkwayo leyo hombokoka. Lava landzulaka Xikwembu, ndzi ta lwa na vona, ndzi nge pfuki ndzi twananile na vona!