Pisalema 40:12 - BIBELE Mahungu Lamanene

¹² Ndzi rhendzeriwe hi makhombo layo tala ngopfu; swidyoho swa mina swi ndzi kumile swi ndzi pfale ni mahlo, swi tlula ni misisi ya mina hi ku tala, kutani ndzi hela matimba.

Xitsonga (Bibele)

¹² Hikuva makhombo lama nga hlayiwiki ma ndzi rhendzele; Milandzu ya mina yi ndzi khomile, ndzi hluleka ku yi vona; Yi tlula ntsengo wa misisi ya nhloko ya mina, Kutani ndzi heleriwa hi mbilu.

Pisalema 40:12 Referans Kwoze

Pisalema 38:4

Milandzu ya mina yi tele ngopfu, ya ndzi khubumeta, yi hundzuka ndzhwalo lowu ndzi hlulekaka ku wu rhwala.

Pisalema 73:26

Emirini ni le moyeni ndzi nga hela matimba, kambe Xikwembu hi xona xi ndzi tiyisaka xi ndzi katekisa.

Pisalema 69:4

Lava va ndzi vengaka mahala, va tele ku tlula misisi ya nhloko ya mina; valala va mina lava, va ni matimba va ringeta ku ndzi herisa, va ndzi hembela va ku ndzi fanele ku tlherisa leswi ndzi nga swi yivangiki.

Pisalema 116:3

Mapindzi ya rifu a ma ndzi tsondzerile. A ndzi vona sirha ri ahlamile, ndzi khomiwa hi gome ni nhlomulo.

Pisalema 19:12

I mani loyi a nga vonaka swihoxo swa yena xana? Ndzi basise eka milandzu leyi tumbeleke.

Esaya 53:6

Hinkwerhu a hi fana ni tinyimpfu leti lahlekeke, un'wana ni un'wana a a tifambela hi ndlela ya yena; hambiswiritano, HOSI Xikwembu xi tekile swidyoho swa hina hinkwerhu, xi swi rhwexa munhu loyi.

1 Petro 3:18

Kriste na yena ú fele swidyoho kan'we, a fela n'wina; yena munhu lowo lulama ú fele lava nga lulamangiki, leswaku a ta mi fikisa eka Xikwembu; ú dlayiwile hi tlhelo ra miri, kambe ú endliwile la hanyaka hi tlhelo ra moya.

Vaheveru 4:15

Hikuva Muprista Lonkulu loyi hi nga na yena a hi loyi a tsandzekaka ku hi twela vusiwana emikarhalweni ya hina, kambe hi loyi a ringiweke hi matlhelo hinkwawo ku fana na hina, ntsena yena a nga dyohanga.

Luka 21:26

Vanhu va ta titivala hi ku chava ni ku ehleketa leswi nga ta humelela la misaveni, hikuva leswa matimba swa le matilweni swi ta dzinginisiwa.

Genesa 42:28

Hiloko a ku ka vamakwavo: “Mali ya mina yi tlherisiwile, hi yaleyi kwala non'weni wa saka!” Loko va twa sweswo, va langutana va ri karhi va rhurhumela hi ku chava, va ku: “I mhaka muni leyi Xikwembu xi nga hi endla yona xana?”

Pisalema 61:8

Siku rin'wana ni rin'wana ndzi ta yimbelela ndzi dzunisa vito ra wena; ndzi ta ku humesela magandzelo lawa ndzi ku tshembiseke wona hi ku hlambanya.