Pisalema 4:6 - BIBELE Mahungu Lamanene

⁶ Vanhu vo tala va ri: “Mawaku loko hi nga kuma minkateko! We HOSI, hi langute, u hi komba tintswalo!”

Xitsonga (Bibele)

⁶ Lavo tala va ku: “Hi ta kombiwa ku kateka hi mani? Oho Yehovha! Wa nga hi tsuvukisela ku vonakala ka mombo wa wena!”

Pisalema 4:6 Referans Kwoze

Pisalema 80:19

Tlhela u hi pfuxa, we HOSI Xikwembu xa matimba hinkwawo, u hi amukela hi tintswalo, kutani hi ta ponisiwa.

Tinhlayo 6:26

HOSI a yi mi langute hi tintswalo, yi mi nyika ku rhula.’

Pisalema 119:135

Ndzi langute hi tintswalo hikuva ndzi nandza wa wena, u ndzi dyondzisa ni milawu ya wena.

Pisalema 80:7

Xikwembu xa matimba hinkwawo, tlhela u hi pfuxa, u hi amukela hi tintswalo, leswaku hi pona.

Pisalema 89:15

We HOSI, ku katekile tiko ra vanhu lava tivaka ku ku bela nkulungwana, va nga lava amukelekaka eka wena, lava hanyaka eku vonakaleni.

Pisalema 67:1

Xikwembu a xi hi twele vusiwana xi hi katekisa, a xi hi langute hi tintswalo,

Luka 16:19

“A ku ri ni mufuwi la ambaleke nguvu yo vangama ya xivunguvungu ni ya ntsembyani lowo saseka, a tshama eku tsakeni a tiphina hi masiku hinkwawo.

Pisalema 44:3

Vatatana va hlurile valala va va tekela tiko, kambe ku nga ri hi matimba ya vona ni matlhari ya vona; va ri kumile hi matimba ya wena lamakulu, hikuva a wu ri kusuhi na vona, u va komba leswaku wa va tsakela.

Pisalema 39:6

Vanhu va ya hala ni hala, wonge i mindzhuti, va tikarhatela swa hava, va tihlengeletela swilo, va nga tivi leswaku swi ta va swa mani.

Pisalema 21:6

Hi wena u endleke leswaku a kateka minkarhi hinkwayo, a tshama a tsakile emahlweni ka wena.

Yakobo 4:13

Twanani ke, n'wina lava mi nge: “Namuntlha kumbe mundzuku hi ta ya emutini lowo karhi ni lowo karhi, hi ya pindzuka lembe hi ri karhi hi xava ni ku xavisa, hi endla bindzu kona!”

Luka 12:19

kutani ndzi ta tibyela ndzi ku: Munhu wo kateka, u ni swilo leswo tala, leswi hlengeleteriweke malembe layo tala; wisa, u dya, u nwa, u tsaka.’

Esaya 55:2

Xana mi xavela yini hi mali ya n'wina swilo leswi nga riki swakudya, naswona hikwalaho ka yini mi tirhela leswi nga xurhisiki, xana? Tikarhateleni ku yingisa mina, kutani mi ta dya leswo nandziha, mi hanya emafurheni.

Pisalema 42:5

We moya wanga, u tlhavekela yini xana? U vavisekela yini endzeni ka mina ke? Tshemba Xikwembu! Mina ndza ha ta xi dzunisa, xona Xikwembu xanga, muponisi wanga wa xiviri.

Duteronoma 33:19

Va ta rhamba vanhu va ya entshaveni ya vona, laha va nga ta humesela kona magandzelo lama nkhensekaka, hikuva va ta va va kumile rifuwo elwandle, ni xuma lexi tumbeleke esaveni.”

Malakiya 3:3

Ú ta tshama hansi, kukota munhu loyi a n'okisaka ni ku basisa nsuku ni silivhere: Ú ta basisa va ka Levhi, a va endla lava tengeke, leswaku va humesela HOSI Xikwembu magandzelo lama amukelekaka.