Pisalema 39:6 - BIBELE Mahungu Lamanene

⁶ Vanhu va ya hala ni hala, wonge i mindzhuti, va tikarhatela swa hava, va tihlengeletela swilo, va nga tivi leswaku swi ta va swa mani.

Xitsonga (Bibele)

⁶ Kunene munhu wa fambafamba kukotisa ndzhuti, Va endla nkitsikitsi ku kuma swahava; U hlengeleta rifuwo, kambe a nga tivi la nga ta dya rona.

Pisalema 39:6 Referans Kwoze

Eklesiasta 2:26

Munhu loyi Xikwembu xi n'wi tsakelaka, ú nyikiwa hi xona vutlhari ni vutivi ni ku tsaka. Kasi mudyohi yena ú rhwexiwa ntirho wo hlengeleta swilo ni ku swi hlayisa, a ri karhi a tirhela loyi Xikwembu xi n'wi tsakelaka. Na swona sweswo, a swi pfuni nchumu, i ku hlongorisa moya ntsena.

Yakobo 4:14

Kasi swa mundzuku a mi swi tivi! Vutomi bya n'wina i ncini ke? Hikuva mi hunguva leyi humelelaka nkarhinyana, kutani yi hangalaka.

1 Vakorinto 7:31

ni lava tirhisanaka ni swa misava leyi a va ve tanihi loko va nga tirhisani na swona; hikuva misava leyi ni swa yona hinkwaswo swa hundza.

Eklesiasta 12:13

Eka hinkwaswo leswi u swi tweke, rito ro hetelela hi leri: Chava Xikwembu, u hlayisa milawu ya xona, hikuva sweswo i fanelo ya munhu un'wana ni un'wana.

Eklesiasta 5:14

Rifuwo rero ri dyiwa hinkwaro hi mabindzulele lama hoxekeke. N'wini wa rona a a ri ni n'wana, kambe n'wana loyi a nga ha kumi nchumu!

1 Petro 5:7

Rhulani ku karhateka hinkwako ka n'wina eka xona, hikuva xi tikarhatela n'wina.

Luka 12:29

Hikokwalaho mi nga vileli hi leswi mi nga ta dya swona, ni leswi mi nga ta nwa swona, naswona, mi nga kanakani;

Esaya 55:2

Xana mi xavela yini hi mali ya n'wina swilo leswi nga riki swakudya, naswona hikwalaho ka yini mi tirhela leswi nga xurhisiki, xana? Tikarhateleni ku yingisa mina, kutani mi ta dya leswo nandziha, mi hanya emafurheni.

Eklesiasta 12:8

Mudyondzisi ú ri: “A swi pfuni nchumu, ku hava lexi pfunaka!”

Eklesiasta 2:8

Naswona ndzi tihlengeletele nsuku ni silivhere ni swilo hinkwaswo swa nkoka swo huma eka tihosi ni matiko ya tona. Ndzi tikumele vayimbeleri va xinuna ni va xisati, ndzi tikhorwisa hi ku teka vasati lavo tala.

Eklesiasta 1:14

Ndzi swi vonile hinkwaswo leswi vanhu va swi endlaka: Ndza mi byela, ku hava lexi pfunaka, vo hlongorisa moya ntsena.

Swivuriso 13:22

Munhu lonene ú siyela vatukulu va yena endzhaka, kasi rifuwo ra mudyohi, ri salela lavo lulama.

Pisalema 127:2

A swi pfuni nchumu ku hubuta u tirha, u titsona ni vurhongo nimadyambu, u xanisekela ku kuma swakudya, hikuva HOSI Xikwembu xi nyika lava xi va rhandzaka, hambiloko va etlele.

1 Petro 1:24

Hikuva, “Vanhu hinkwavo va fana ni byanyi, ni ku saseka ka vona ku fana ni xiluva xa nhova. Byanyi bya vuna, ni xiluva xi wela hansi,

Yakobo 5:3

Nsuku ni silivhere ya n'wina swi kurhile, kutani ku kurha ka swona ku ta veka vumbhoni lebyi nga ta lwa na n'wina, ku dya tinyama ta n'wina ku fana ni ndzilo. Mi hlengeletile xuma enkarhini lowu masiku ya makumu ma fikeke.

Swivuriso 27:24

hikuva mali ya hela, na xona xuma, a xi tshami hilaha ku nga heriki;

Swivuriso 23:5

rifuwo a ri hlweli ku nyamalala, ri hatla ri mila timpapa, ri haha ku fana ni gama, ri ya henhla.

Ntirho 7:7

“Wena Xikwembu, wa swi tiva, vutomi bya mina i hikanyana ntsena; a ndzi nga ha tlheli ndzi vona minkateko.

Ntirho 7:16

Vutomi a bya ha ndzi tsakisi, ndzi karhele ku hanya; we Xikwembu, ndzi tshike, hikuva masiku ya mina ma hela.

Ntirho 14:1

“Vutomi bya munhu byi komile ngopfu, ku sukela evuhlangini, ú le ku xanisekeni.

Pisalema 89:48

Xana hi wihi munhu loyi a nga ta hanya a nga fi xana? I mani loyi a nga ponaka ematimbeni ya xivandla xa vafi xana?

Pisalema 144:4

Munhu ú fana ni moyanyana, vutomi bya yena byi hatla byi hundza tanihi ndzhutinyana.

Eklesiasta 11:10

Susa ku vilela embilwini ya wena, u hambana ni leswi nga vavisaka miri wa wena; vuntshwa ni ku tiya emirini na swona a swi pfuni nchumu.

Luka 12:26

Sweswi ke, loko mi tsandzeka ku endla xilonyana lexo tano, mi tivilerisela yini hi leswi swin'wana?